Ораза кезінде крем жағып, боянуға бола ма

Опубликовано:

Ораза кезінде жиі қойылатын сұрақтардың бірі бетке крем жағып, боянуға бола ма? Бұл сауалға Ақтөбе облыстық "Нұр ғасыр" мешітінің ұжымы жауап берді деп хабарлайды KAZ.NUR.KZ.

Көрнекі фото: pixabay.com
Көрнекі фото: pixabay.com: Depositphotos

Дін өкілдерінің сөзінше, терідегі ұсақ тесіктер арқылы ет пен терінің арасына сіңетін заттар оразаны бұзбайды.

"Мысалы, крем жағу, май жағу, судың ішінде ұзақ тұруға және жараның бетіне дәрі таңуға болады. Тек крем мен майды пайдаланған кезде қатты қалыңдатпаған жөн. Себебі, қалың жағылған крем не май дәрет алған кезде суды теріге жібермеуі мүмкін.
Расында оразаны сырттан ішке кірген нәрселер бұзады. Сондықтан бетке, қолға жағылған түрлі жақпаларды лак секілді заттарды қолдану оразаға кедергі емес. Алайда аталмыш майлар, лактар денеге су өткізбейтін болғандықтан құлшылық үшін алынатын дәреттен бұрын сүртіп не өшіру қажет болады", - дейді мамандр.

Сонымен қатар дін мамандары ораза кезінде біреуге тіл тигізіп, ғайбат сөйлеп, өсек айтудан тыйылуға шақырды.

Бұл оразаны бұзбағанымен, шариғатта біреудің сыртынан жамандап ғайбат айту, сөз тасу үлкен күнә дейді мамандар.

Еске сала кетейік, бұған дейін Қазақстан мұсылмандары діни басқармасының шариғат және пәтуа бөлімі оразаны бұзатын және бұзбайтын жағдайларды айтқан еді.

Ең маңызды әрі қызықты жаңалықтарды біздің Instagram парақшамыздан оқыңыздар>>

Мақаланың түпнұсқасы: https://kaz.nur.kz/society/1853401-oraza-kezinde-krem-zagyp-boanuga-bola-ma/

jitsu gif