RU

Уханьда ит коронавирустан қайтыс болған қожайынын ауруханада үш ай күткен (фото)

Қытайдың Ухань қаласында ит коронавируспен ауырып ауруханаға түскен иесін үш ай күткен. Алайда марқұм медициналық мекемеде бесінші күні қайтыс болған деп хабарлайды KAZ.NUR.KZ порталы vesti.ua-ға сілтеме жасап.

Уханьда ит ауруханада қайтыс болған иесін үш ай күткен
Фото: Oriental Daily: UGC

Басылымның жазуынша, ит ақпан айында қарт иесімен ауруханаға келген сәттен бастап медицина қызметкерлерінің назарын өзіне аударды.

Иесінің қайтып келмейтінін білмеген жеті жасар Кюр аурухананың фойесінде қожайынын үш айдан астам уақыт бойы күтіп, оны әр жерден тіміскілей іздеген.

Пациенттер мен аурухана қызметкерлері ақыр соңында оны тамақтандыра бастаған.

Ауруханадағы супермаркеттің қызметкері иттің коронавирустық инфекциямен ауруханаға түскенін және пневмониямен ауырғанын айтты.

Ол итті уақытша өз қарауына алып, оны Сяобао деп атап кеткен. Бұл "кішкентай қазына" деген мағынаны білдіреді.

Уханьда ит ауруханада қайтыс болған иесін үш ай күткен
Фото: Oriental Daily: UGC

Уханьда 13 сәуір күні шығуға қойылған шектеулер алынғаннан кейін және аурухана супермаркеті қайта ашылғаннан кейін, әйел адам итке қамқор болған.

"Ол осы уақытқа дейін ауруханадан шықпады. Бұл өте әсерлі көрініс және таза адалдық", – деді сатушы.

Оның айтуынша, Сяобао ауруханадан кетуден бас тартқан. Оны әдейі алыс жерге апарып тастағанның өзінде, ит қайтып келіп, қожайынының оралғанын күткен.

Уханьда ит ауруханада қайтыс болған иесін үш ай күткен
Фото: Oriental Daily: UGC

Мекемедегі кейбір пациенттер иттің ауруханада болуына наразы болған. Осыдан кейін медбикелер Уханьдағы жануарларды қорғау қауымдастығымен байланысқа шыққан. Ұйым Сяобаоны қабылдап, қазіргі уақытта оған жаңа пана іздеуде.

Айта кетейік, бұған дейін Мәскеудегі ветеринарлық клиникада тексерістен кейін бес жасар мысықтан COVID-19 инфекциясы табылғанын хабарлаған едік.

Үй жануары иесінің тұрғылықты мекенжайы бойынша карантинге алынған.

Ең маңызды әрі қызықты жаңалықтарды біздің Instagram парақшамыздан оқыңыздар>>

Мақаланың түпнұсқасы: https://kaz.nur.kz/society/1857620-uhanda-it-koronavirustan-kajtys-bolgan-kozajynyn-auruhanada-s-aj-ktken/