RU

Павлодарлық зауытшылар коронавирус жұқтырған Елбасыға тезірек сауығып кетуді тіледі

Павлодар мұнай-химия зауытының ұжымы Қазақстанның Тұңғыш Президенті Н.Ә.Назарбаевтың коронавирус індетін жұқтырғанына алаңдаушылықтарын білдірді.

Павлодарлық зауытшылар елбасы Н. Назарбаевқа күш-жігер тіледі
Фото: akorda.kz: Facebook

Соңғы күндері COVID-19 штамын жұқтырғандар саны күрт өсіп, індет Елбасын да айналып өтпеді. Кеше жедел тараған ресми хабарды естіп, елең-алаң болған жұрттың арасында ПМХЗ жұмыскерлері де бар. Оған әлеуметтік желілер арқылы Нұрсұлтан Әбішұлының саулығын тілеп, жан-жақтан жолданған бейнеүндеулер дәлел.

Ұжым үндеуінде Елбасына зор денсаулық тілеп, өздерінің қолдау білдіруге дайын екендерін жеткізген.

«Сіз күш-жігері мол адам ретінде бұл ауруды жеңе алатыныңызға нық сенімдіміз. Сіз біздің зауытқа бірнеше рет келген болатынсыз. Біз бәріміз Сіздің сергектігіңіздің және өмірсүйгіштігіңіздің куәсі болдық. Сіз осы қиын сәтте коронавирус пандемиясымен күресте біріккен павлодарлық мұнай өңдеушілер мен барлық қазақстандықтардың қолдауына сене аласыз» - деген лебіз-тілектер айтылған.

Сөз соңында кәсіпорын қызметкерлері Ұлт көшбасшысының амандығын тілей отыра, отан игілігі үшін қызметін амандықпен жалғастыратынына сенім білдірді.

Мақаланың түпнұсқасы: https://kaz.nur.kz/society/1861232-pavlodarlyk-zauytsylar-koronavirus-zktyrgan-elbasyga-tezirek-sauygyp-ketudi-tiledi/