Қазақстанда күн тұтылуы қалай болды (фото, видео)

Қазақстандықтар сирек болатын күн тұтылуын көре алды. Оның максималды фазасын Үнді штаттарының бірінің тұрғындары да тамашалады деп хабарлайды KAZ.NUR.KZ.

Тұтылуды Қазақстанда алғаш болып Нұр-Сұлтан тұрғындары көрді: ол жергілікті уақыт бойынша сағат 11:16-дан көрінді.

Қазақстандағы тұтылудың максималды кезеңі сағат 12:40-та өтті, ал Алматы аспанында Айдың жақын жұлдыздың 60%-дық бейнесін қалай жауып тұрғаны көрінді.

Барлық әлемдегі максималды фазаны Үндістанның Уттаракханд штатының солтүстігінен байқауға болды. Онда ай күннің 99%-ын жауып тұрды.

РИА Новости хабарлағандай, бұл ғарыштық құбылыс өте сирек кездеседі. Соңғы рет адамдар мұндай жағдайды 2002 жылы 10 маусымда кездестірді, астрофизиктер келесі тұтылу 2037 жылы 13 шілдеде қайталанады деп болжап отыр.

Өз кезегінде Ресей ғылым академиясының (РҒА) қызметкері Сергей Богачев соңғы тұтылу анау айтқандай сирек емес екенін айтты. Оның айтуынша, жыл сайын кем дегенде екі күн тұтылу болады, ал ғарыштық денелер әрқашан әр түрлі орналасады, деп жазады RT.

Алайда зерттеуші бұл тұтылудың ерекшелігі Айдың Күнді әдеттегіден сәл көбірек жапқандығында екенін айтты. Бұл жер серігі бұл жолы Жерге сәл жақын орналасқандығына байланысты екен.

Тұтылу Үндістанның әртүрлі аймақтарында осылайша көрінді.