RU

Қазақстанда өткен тәулікте тағы 465 қазақстандық коронавируспен ауырған

Коронавирус бойынша 25 маусымдағы статистика жарияланды. Өткен тәулікте тағы 465 адамның коронавируспен ауырғаны анықталды деп хабарлайды KAZ.NUR.KZ Coronavirus2020 ресми сайтына сілтеме жасап.

Қазақстанда тағы 465 қазақстандық коронавирус жұқтырды
Көрнекі фото: KAZ.NUR.KZ: UGC

COVID-19 анықталған 465 адамның 67-і Нұр-Сұлтан қаласынан, 54-і Шығыс Қазақстан облысынан, 46-ы Қарағанды облысынан, 38-і Батыс Қазақстан облысынан, 36-ы Шымкент қаласынан, 25-і Қостанай облысынан, 25-ы Павлодар облысынан, 24-і Атырау облысынан, 23-і Ақмола облысынан, 23-і Ақтөбе облысынан, 20-ы Түркістан облысынан, 19-ы Алматы қаласынан, 19-ы Қызылорда облысынан, 15-і Алматы облысынан, 15-і Солтүстік Қазақстан облысынан, 10-ы Жамбыл облысынан және алты адам Маңғыстау облысынан.

Өткен тәулікте ауру өсімі 2,4% құраған. Қазіргі уақытта жалпы Қазақстан бойынша COVID-19-бен ауырғандар саны 19750 адам.

Сонымен қатар 25 маусымда 338 адам коронавирустан жазылып шыққаны белгілі болды. Бүгінде еліміз бойынша COVID-19-дан айыққандар саны 12 220-ге жетіп отыр.

Сондай-ақ, өткен тәулікте коронавирустан болған төрт өлім жағдайы тіркелген.

Айта кетейік, бұған дейін Дүниежүзілік денсаулық сақтау ұйымы келесі аптада әлемде коронавирус жұқтырғандар саны он миллионнан асатынын мәлімдеген еді.

Мақаланың түпнұсқасы: https://kaz.nur.kz/society/1862221-kazakstanda-tagy-465-kazakstandyk-koronavirus-zktyrdy/