Блок-бекеттер орнату туралы хабарға Алматы облысының әкімдігі жауап берді

Әлеуметтік желі қолданушылары Алматы облысында шектеу шараларын күшейтіп, қайтадан жол кедергілерін қайтарады деген сынды ақпараттарды таратуда. Бұл хабарламаларға облыс әкімінің баспасөз қызметі жауап берді деп хабарлайды KAZ.NUR.KZ.

Баспасөз қызметі бұл жалған ақпарат екенін атап өтті. Қазіргі уақытта Алматы облысының периметрі бойынша блок-бекеттерді орнату жоспарланбаған.

Соңғы мәліметтерге сәйкес, аймақта коронавируспен ауыратын 701 адам анықталған. Өткен тәулік ішінде қауіпті инфекция белгілері бар 20 науқас тіркеліп, барлығы. 574 науқас айыққан. Аймақта Covid-19-дан бір адам қайтыс болды.

Бұған дейін Алматы облысында бұқаралық және мәдени шараларды өткізуге тыйым жалғасатыны белгілі болды. Үйде 30-дан астам адамға және жазғы алаңдарда 50-ден астам адамға арналған тамақтану орындары уақытша тоқтатылды.

Сонымен бірге үйге азық-түлік жеткізуге рұқсат етілді. Сауда-ойын-сауық және білім беру орталықтары жабылды. Балабақшалар, үйірмелер, секциялар, діни нысандар жұмыс істемейді.

Сондай-ақ, аймақта осы уақытқа дейін жоспарланған ем үшін ауруханаға жатқызудан, қабылдау және жоспарлы медициналық қызмет көрсетуден бас тартты. Дәрігерлер тұрғындарға қашықтан кеңес береді.

Еске салсақ, бұған дейін Алматы облысының аумағында карантин режимі күшейтілгені туралы жазған болатынбыз.

Мақаланың түпнұсқасы: https://kaz.nur.kz/society/1862553-blok-beketter-ornatu-turaly-habarga-almaty-oblysyny-kimdigi-zauap-berdi/