Карантин кезінде қандай қызмет түрлеріне рұқсат бар
Опубликовано:
Елімізде 14 күнге енгізілетін шектеуге байланысты кейбір нысандардың жұмыс істеуіне рұқсат етеліген. Тек оларға алдын ала жазылуға тура келеді деп хабарлайды KAZ.NUR.KZ порталы primeminister.kz сайтына сілтеме жасап.
14 күндік шектеу шаралары кезінде алдын ала жазылу бойынша, медицина орталықтарының, дәріханалардың, азық-түлік дүкендерінің, ашық базарлардың қызметі сақталады.
Сонымен қатар күшейтілген санитарлық-дезинфекциялық режимді сақтай отырып, келесі нысандардың жұмыс істеуіне рұқсат.
- ашық ауада қоғамдық тамақтану нысандары;
- үздіксіз өндірістік айналымы бар құрылыс, өнеркәсіп кәсіпорындары, ашық ауадағы құрылыс жұмыстары;
- ауыл шаруашылығы, балық шаруашылығы және мал шаруашылығы жұмыстары;
- халыққа қызмет көрсету салалары, оның ішінде авто жуу, автомобильдерді және тұрмыстық техниканы жөндеу, Халыққа қызмет көрсет орталықтары, екінші деңгейлі банктер.
Айта кетейік, бұған дейін эпидемиологиялық ахуалды тұрақтандыру үшін Қазақстанда 5 шілдеден бастап 14 күнге шектеу шаралары енгізілгенін жазған болатынбыз.
Шектеу шаралары кейін 2 аптаға ұзартылуы немесе қатаңдатылуы мүмкін. Барлығы эпидемиологиялық жағдайға байланысты болмақ.
Мақаланың түпнұсқасы: https://kaz.nur.kz/society/1863112-karantin-kezinde-kandaj-kyzmet-trlerine-rksat-bar/