Top.Mail.Ru

Сайт нұсқасы

ru kz

Зектілері

Перу билігі төтенше жағдай мерзімін тағы бір айға ұзартты

Опубликовано:

Перу үкіметі төтенше жағдай мерзімін тағы бір айға ұзартты. Бұған елде коронавирус індетінің дендеп кетуі себеп деп хабарлайды KAZ.NUR.KZ Хабар 24-ке сілтеме жасап.

Көрнекі фото: pixabay.com
Көрнекі фото: pixabay.com: Depositphotos

Перу коронавирусты жұқтыру саны бойынша Оңтүстік Америкада Бразилиядан кейін екінші орында тұр. 33 миллион халқы бар бұл елде 400 мыңнан аса адамнан коронавирус анықталған.

Хабар24-тің мәліметінше, 30 шілде күні ел аумағында COVID-19 инфекциясын жұқтырған 7 мыңдай адам белгілі болған.

Ал індеттен қайтыс болғандардың саны 19 мыңнан асқан.

Мамандардың айтуынша, құрбандар саны көп болуы мүмкін. Өйткені көптеген жағдайда өлім себебі ретінде коронавирус салдарынан асқынған өзге аурулар жазылған. Мұны билік өкілдері де мойындайды. 

"Ұлттық жүйемізде тіркелген мәліметке қарасақ, түрлі себептерден қайтыс болған 46 мың адамда коронавирус анықталған. Қазір бұл деректер бойынша талдау жұмысы өтіп жатыр", - дейді Перу денсаулық сақтау министрі Пилар Маццетти.

Қазір елдегі ауруханалар науқастарға толы, ауырған адамдарға көмек беретін дәрігерлер де жетіспеуде.

Оңтүстік Америкадағы тағы бір ел – Боливияда карантин тәртібі бір айға ұзартылды. Құрлықтағы ең кедей мемлекеттердің бірі саналатын Боливияда денсаулық сақтау жүйесі нашар дамыған.

Ауырғандардың көбі өз үйлерінде емделуге мәжбүр. Соңғы мәліметтер бойынша 11 миллион халқы бар мемлекетте 76 789 адамда COVID-19 анықталып, 2 977 адам көз жұмған. 23 582 науқас жазылған.

Еске сала кетейік, елімізде де қатаң карантин режимі тағы екі аптаға ұзартылды.

Мақаланың түпнұсқасы: https://kaz.nur.kz/society/1867688-peru-biligi-ttense-zagdaj-merzimin-tagy-bir-ajga-zartty/

pixel