Тоқаев педофилдерге берілетін жазаны күшейтуді талап етті
Опубликовано:
Мемлекет басшысы парламенттің алтыншы сессиясының ашылуында балаларға қарсы жасалған қылмыстың жазасын күшейтуді тапсырды деп жазады KAZ.NUR.KZ.
Тоқаевтың сөзінше, қоғамдық қауіпсіздікті қамтамасыз ету тұрғысынан қауіпсіздік пен балалардың құқықтарын қорғау мәселелеріне ерекше назар аудару қажет.
Ол кәмелет жасына толмағандарға қатысты сексуалдық қылмыстар үшін жауапкершіліктің айтарлықтай қатаңдатылғанын еске салды. Алайда осыған қарамастан бұл мәселе өзекті болып отыр.
"Мұндай қылмыскерлер кешірім құқығынсыз, мерзімінен бұрын босатылмайтын қатаң жазаға лайықты. Олар қауіпсіздігі жоғары мекемелерде болуы керек. Әрбір осындай іс прокуратура органдарының ерекше бақылауында болуы тиіс", - деді президент.
Осы ретте, президенттің айтуынша, әлеуметті құқық қорғау органдары тарапынан танытылған селқостық пен әрекетсіздік қатаң жазаланатын болады.
Сондай-ақ, мемлекет басшысы киберқауіпсіздікке қарсы заңнамалық шаралар қабылдау қажеттігіне назар аударды. Адам саудасымен күресудің де маңызы зор.
Сонымен бірге өскелең ұрпақтың спорттық және шығармашылық потенциалына да назар аудару қажет.
"Қаржы тапшылығы жағдайында кәсіби спорт клубтарын толығымен мемлекет есебінен қолдаудың мағынасы жоқ. Мемлекеттік бюджеттен және квазимемлекеттік компаниялардан миллиардтаған қаражат тиімсіз жұмсалады. Жаппай спорт, дене шынықтыру мен балаларға басымдық беру керек", - деді Тоқаев.
Оның сөзінше, әрбір облыста, ірі орталықтарда спорт үйірмелерін ашу керек. Жас буын өкілдері шығармашылық пен қолөнер негіздерін түсінетін балалар үйірмелерінің жұмысын қайта бастау қажет.
"Заманауи шындық балалар үшін соншалықты қауіпті болуы мүмкін, сондықтан олардың энергиясы мен қызығушылығы дұрыс бағытта болуы керек", - деді Қасым-Жомарт Тоқаев.
Еске сала кетсек, президент мемлекеттік аппаратты 25 пайызға азайтуды тапсырды.
Сондай-ақ жердің шетелдіктерге сатылмайтынын кесіп айтты.
Мақаланың түпнұсқасы: https://kaz.nur.kz/society/1871980-tokaev-pedofilderge-beriletin-zazany-ksejtudi-talap-etti/
