Қазақстанда 7 қыркүйектен бастап банктер қалай жұмыс істейді

Ұлттық банк пен қаржы нарығын реттеу және дамыту агенттігінің "Қаржы нарығы субъектілерінің жұмыс режимі туралы" бірлескен бұйрығына енгізілген өзгерістер жарияланды деп жазады KAZ.NUR.KZ порталы.

Тиісті құжатқа сәйкес, 2020 жылғы 7 қыркүйегінен бастап өндірістік қажеттілік болған кезде филиалдың штат санының кемінде 30% қызметкері қашықтан жұмыс істеу нысанына ауыса алатын екінші деңгейдегі банктердің филиалдарын (бөлімшелерін, пункттерін) қоспағанда, жалпы штат санының кемінде 50% қызметкерінің қашықтан жұмыс істеу нысанына ауысуын қамтамасыз етуі тиіс.

"Жұмыс кестесі сағат 9:00-ден 18: 00-ге дейін белгіленетін екінші деңгейдегі банктерді және қызметін Ұлттық банкінің қолма-қол шетел валютасымен айырбастау операцияларына арналған лицензияның негізінде айырбастау пункттері ғана арқылы жүзеге асыратын заңды тұлғаларды қоспағанда, жұмыс кестесін сағат 9:00-ден 17:00-ге дейін белгілесін", - делінген бұйрықтың мәтінінде.

Сондай-ақ, құжатта қызметтерді барынша онлайн-режимде көрсетуді қамтамасыз ету керектігі аталып өткен. Осы бірлескен бұйрық қол қойылған күнінен бастап күшіне енбек.

Еске сала кетсек, ертең, жексенбі күні Алматы қаласында қоғамдық көліктердің жүретіні хабарланды.

Мақаланың түпнұсқасы: https://kaz.nur.kz/society/1872797-kazakstanda-7-kyrkjekten-bastap-bankter-kalaj-zmys-istejdi/