Top.Mail.Ru

Сайт нұсқасы

ru kz

Зектілері

Михаил Ефремов 8 жылға бас бостандығынан айырылды

Опубликовано:

Ефремов 656165
Михаил Ефремов. Фото: "Известия" / Павел Бедняков

Мәскеудің Пресненск аудандық соты Михаил Ефремовке қатысты үкім шығарды деп хабарлайды KAZ.NUR.KZ.

Бүгін, 8 қыркүйекте Мәскеудің Пресненск аудандық соты ресейлік актер Михаил Ефремовке қатысты үкім шығарды. Ол 8 жылға бас бостандығынан айырылды. Сотталушы жазасын жалпы режимдегі колонияда өтейтін болады.

Сондай-ақ судья Елена Абрамова жол-көлік оқиғасы салдарынан қаза болған азаматтың ұлының талап арызын ішінара қанағаттандырды деп жазды РИА Новости.

Ол сотталушыдан 800 мың рубль өндіру туралы шешім шығарды. Сондай-ақ актер үш жылға жүргізуші куәлігінен айырылды.

Судья сараптама нәтижелерін оқыды. Апат кезінде Ефремовтің автокөлігінің сағатына 80-90 шақырым жылдамдықпен жүргені анықталды. Көлік толығымен бүтін болған, және барлық зақымдар апат салдарынан пайда болды.

Сот Михаил Ефремовты кісі өліміне соқтырған жол-көлік оқиғасына кінәлі деп таныды.

"РФ қылмыстық кодексінің 264 бабы 4-бөлігінің "а" тармағы (абайсызда кісі өліміне әкеп соқтырған мас күйде жол ережесін бұзу) бойынша кінәлі деп танылды", – делінген сот үкімінде.

Еске сала кетсек, биылғы 8 маусымда Jeep Grand Cherokee автокөлігін басқарған Ресейдің еңбек сіңірген әртісі Михаил Ефремов жолдың қарама-қарсы бетіне шығып, Lada автокөлігін соққан болатын.

Ресей ішкі істер министрлігінің Мәскеу қаласы бойынша бас басқармасы жол апаты кезінде актердің мас күйде болғанын хабарлады.

Ал 3 қыркүйекте өткен сот отырысында Михаил Ефремовтің өз кінәсін мойындағаны мәлім болды.

Мақаланың түпнұсқасы: https://kaz.nur.kz/society/1873226-mihail-efremov-8-zylga-bas-bostandygynan-ajyryldy/

pixel