Қарағанды облысында ер адамға педофилияның 18 ісіне қатысы бар деген айып тағылды

Қарағанды облысы аудандарының бірінің үш тұрғыны – анасы мен қызы, сондай-ақ олардың таныстары сотқа тартылды. Әйелдер қылмыс туралы хабарламады деген күдік бар, ал ер адам кәмелетке толмаған екі жасөспірімге қатысты бірқатар жыныстық зорлық-зомбылық жасады деген күдікке ілінді деп хабарлайды KAZ.NUR.KZ порталы облыстың қылмыстық істер жөніндегі мамандандырылған ауданаралық сотына сілтеме жасап.

Қылмыстық іс материалдарына сәйкес, ер адам екі қызды қайта-қайта зорлап, сонымен қатар оларды азғындатып, жыныстық сипаттағы зорлық-зомбылық әрекеттерін жасаған. Мұндағы әңгіме 18 эпизод туралы болып отыр. Бұл туралы анасы мен қызы білген, бірақ полицияға хабарламаған.

Қарағанды ​​облысының қылмыстық істер жөніндегі мамандандырылған ауданаралық сотында жәбірленуші қыздардың жасын атаудан бас тартты. Олар көп томдық іс қарау үшін прокуратурадан келгенін түсіндірді.

"Сотқа үш айыпталушыға қатысты қылмыстық іс келіп түсті. Әңгіме кәмелетке толмағандарға қатысты жыныстық қылмыстар туралы болғандықтан, тыңдалымдар қылмыстық процестік заң талаптарына сәйкес, жабық есік жағдайында өтеді", – деді қоғаммен байланыс жөніндегі үйлестіруші, қылмыстық істер жөніндегі мамандандырылған ауданаралық соты судьясы Бекзат Шалғымбаев.

Қылмыстық істі Қарағанды ​​облысы полиция бөлімінің тергеу бөлімі тергеді.

Еске салсақ, 11 жастағы қыз бала жыныстық зорлық-зомбылықтың құрбаны болғаны туралы жазған едік. Оны өгей әкесі мен немера ағасы қорлаған. Бұл сұмдық алты айдан астам уақытқа созылыпты.

Айта кеткен жөн, елімізде жыл басынан бері, кәмелеттік жасқа толмаған 550 бала педофил құрбаны болыпты. Олардың дені 14 жасқа толмаған қыз балалар. Ішкі істер министрлігі деректеріне қарағанда, балаға зорлық жасағандардың басым көпшілігі жақын туысы. Араларында туған баласына қорлық көрсеткен әкелер де бар.