Министрлік Молдағасымованың қызметтен босатылуы туралы нұсқасына жауап берді

Денсаулық сақтау министрлігі Айзат Молдағасымованың гигиена және эпидемиология ғылыми орталығының басшысы қызметінен босату туралы нұсқасына түсініктеме берді. Оның нұсқасы бойынша, ол өзі басқаратын орталықтың проблемаларын көтергеннен кейін онымен еңбек шарты бұзылған. Денсаулық сақтау министрлігі оның тағылған айыптарын негізсіз деп атады деп хабарлайды KAZ.NUR.KZ.

Денсаулық сақтау министрлігінің ресми өкілі Айзат Молдағасымова гигиена және эпидемиология ғылыми орталығының басшысы болып тағайындалған сәттен бастап (1 шілде) қыркүйек айының ортасына дейін жұмысқа шықпағанын айтты.

"Әрине, ол сынақ мерзімінен өте алмады, себебі жұмысқа бармаған", – деді Бағдат Кожахметов.

Жалпы, Қожахметовтің пікірінше, Молдағасымованың өзін "Денсаулық сақтау министрлігінің позициясымен келіспегені үшін жұмыстан шығарды" деген уәждері негізсіз.

"Бізде оның жұмысқа шықпағаны туралы дәлелдер бар. Орталық қызметкерлері де мұны растай алады", – деп қосты ол.

Маман Молдағасымованың Орталықтың тозығы жеткен ғимараты мен оның зертханаларының нашар жабдықталуы туралы мәлімдемесіне түсініктеме берді.

"Бұл ғылыми орталықтың небары жеті қызметкері бар, ал ғимарат әлдеқашан ескірген және бұл ғимаратқа мемлекеттік ақшаны салу өте жөнсіз. Дұрыс шешім бар және ол күрделі. Мемлекет басшысының шешіміне сәйкес, Нұр-Сұлтан мен Алматыда екі ірі көпсалалы кешен салынуда, ал Алматы кешені Жұматов атындағы ғылыми-зерттеу институтын қоса, облыстың барлық ғылыми-зерттеу институттары орналасатын орынға айналады. Денсаулық сақтау министрі Алексей Цойдың бастамасымен бұл кешенге Хамза Жұматовтың атын беру ұсынылды", – деп түсіндірді спикер.

NUR.KZ тілшісі Денсаулық сақтау министрлігінде Молдағасымованы басқа қызметке тағайындау туралы болжам бар ма деп сұрады.

"Егер қызметкер сынақ мерзімінен өтпеген болса, оны бір жерде қызметке қарастыруға бола ма?" – деп қарсы сұрақ қойды Қожахметов.

Еске салсақ, Айзат Молдағасымова сынақ мерзімінен өте алмауына байланысты жаңа қызметінен босатылған болатын.

Оған қоса, сыбайлас жемқорлыққа қарсы қызмет Алматы қаласының экс-бас санитарлық дәрігері Айзат Молдағасымоваға қатысты жүргізілген тексеру нәтижелері туралы айтқан болатын.

Мақаланың түпнұсқасы: https://kaz.nur.kz/society/1875679-ministrlik-moldagasymovany-kyzmetten-bosatyluy-turaly-nskasyna-zauap-berdi/