Ғалымдар: Суық тию коронавирустан қорғайды
Опубликовано:
Ғалымдар қарапайым суық тигізген адамның коронавирустан сақтана алатынын анықтады деп хабарлайды KAZ.NUR.KZ.
Царьград.тв мәліметінше, АҚШ-тың Рочестер университеті маусымдық суық тиюдің коронавирусқа қарсы тұра алатынын анықтады.
Коронавирустан жазылған 26 науқастың қан үлгілерін зерттей отырып, ғалымдар олардың көпшілігінде SARS-CoV-2-ні анықтап, оларды бейтараптандыратын В жасушаларының жиынтығы (суықтың салдары) бар екенін байқаған.
Үлгілерді сау адамдардың қан анализімен салыстырғаннан кейін және қоздырғыштарды тауып, есте сақтайтын, сондай-ақ оларды жоюға қабілетті антиденелер шығаратын В жады жасушаларының концентрациясын салыстырғаннан кейін жасушалар көптеген коронавирустардың негізгі құрамдас бөлігі - тікен тәрізді ақуызды тани алатындығы анықталды. Яғни, бета-коронавирустардың барлығы дерлік "ескі" үлгілерден В жады жасушаларын танып, өндірілген антиденелердің көмегімен қоздырғыштардың белсенділігін басады.
Осылайша, ғалымдар В жады жасушасы пайда болған жағдайда әдеттегі маусымдық суықтан айыққан адамның коронавирустан қорғалатынын мәлімдеді.
Естеріңізге сала кетейік, жуырда АҚШ президенті Дональд Трамптың коронавирус жұқтырғаны белгілі болды. Бұл туралы ол Twitter-де хабарлаған еді.
Бұған дейін Дональд Трамптың кеңесшісі Хоуп Хикстен COVID-19 расталғаннан кейін АҚШ басшысы карантинге жатқызылған. Ол коронавирус сынамасының нәтижесін күтіп отырғанын мәлімдеген болатын.
Мақаланың түпнұсқасы: https://kaz.nur.kz/society/1877496-galymdar-suyk-tiu-koronavirustan-korgajdy/