Жел, үсік, дауыл: 10 қазанда еліміздің бес өңіріне дауылды ескерту жарияланды

Ақмола, Қызылорда, Түркістан, Қарағанды және Маңғыстау облыстарында дауылды ескерту жарияланды деп хабарлайды KAZ.NUR.KZ Қазгидрометтің ресми сайтына сілтеме жасап.

Синоптиктердің мәліметінше, 10 қазанда Ақмола облысында батыстан, оңтүстік-батыстан жел соғады, кей жерлерде күші 15-18 м/с күтіледі.

Түркістан облысының кей жерлерінде солтүстік-шығыстан соғатын желдің күші 15-20, күндіз екпіні 23 м/с күтіледі. Түнде кей жерлерде 3 градус үсік сақталады.

Шымкент қаласында түнде топырақ бетінде 2 градус үсік сақталады. Ал Түркістанда күндіз солтүстік-шығыстан екпіні 15-20 м/с желдің күшеюі күтіледі. Түнде 1-3 градус үсік сақталады.

10 қазан түнде Қызылорда облысының кей жерлерінде 3 градус үсік сақталады. Солтүстік-шығыстан жел соғады, күші күндіз кей жерлерде 15-20 м/с сақталады.

Күндіз 10 қазанда Маңғыстау облысының кей жерлерінде шаңды дауыл күтіледі. Жел оңтүстік-шығыстан соғады, кей жерлерде 15-20 м/с күтіледі.

Ақтау қаласында күндізшаңды дауыл күтіледі. Жел оңтүстік-шығыстан соғады, екпіні 15-20 м/с күтіледі.

10 қазанда түнде және таңертең Қарағанды облысының кей жерлерінде тұман күтіледі.

Қарағанды қаласында түнде және таңертең тұман күтіледі.

Еске сала кетсек, Алматы қаласына алғашқы қар жауғанын хабарлаған едік.

Сондай-ақ, ақ ұлпа еліміздің бас қаласы Нұр-Сұлтан қаласына да түскенін жазған болатынбыз.

Мақаланың түпнұсқасы: https://kaz.nur.kz/society/1878873-zel-sik-dauyl-10-kazanda-elimizdi-bes-irine-dauyldy-eskertu-zarialandy/