Әсем Нүсіпова денсаулық сақтау вице-министрі болып тағайындалды

Үкімет қауылысымен Әсем Нүсіпова денсаулық сақтау вице-министрі қызметіне тағайындалды деп хабарлайды KAZ.NUR.KZ primeminister.kz сайтына сілтеме жасап.

Әсем Нүсіпова 1975 жылы Алматы қаласында туған. 1996 жылы әл-Фараби атындағы Қазақ мемлекеттік ұлттық университетін "экономика" мамандығы бойынша, 1998 жылы осы университеттің магистратурасын бітірген. 

2001-2003 жылдары — Қауіпсіздік Кеңесінің экономикалық қауіпсіздік мәселелері жөніндегі бөлімінің бас сарапшысы, ҚР Президенті Әкімшілігінің жүйелі зерттеулер орталығының сарапшысы, сектор меңгерушісі. 

2003-2005 жылдары — Қаржы министрінің кеңесшісі.

2005 жылы — Премьер-министрдің кеңесшісі.

2005-2007 жылдары — Премьер-министр Кеңсесінің қорытынды сараптау бөлімінің меңгерушісі. 

2007-2008 жылдары — Денсаулық сақтау вице-министрі.

2008-2016 жылдары — "ҚазТрансОйл" АҚ бас директорының экономика және қаржы жөніндегі орынбасары. 

2016-2019 жылдары — Шығыс Қазақстан облысы әкімінің орынбасары.

2020 жылы — "Астана" Халықаралық қаржы орталығының әкімшілігі" АҚ бас консультанты.

2020 жылғы шілдеден бастап қазірге дейін — Денсаулық сақтау министрлігінің жауапты хатшысы.

Еске сала кетсек, бұған дейін президент Қасым-Жомарт Тоқаев Нүсіпованы Денсаулық сақтау министрлігінің жауапты хатшысы қызметінен босатқан еді.

Сонымен қатар Денсаулық сақтау министрлігінің коронавирустың екінші толқынына қалай дайындалып жатқанын хабарлаған едік.

Алексей Цойдың айтуынша, күзгі-қысқы кезеңде коронавирустың мүмкін болған екінші толқынына дайындық мақсатында қоймаларда екі айлық дәрі-дәрмек қоры жасақталуда.