"Бірнеше адам көз жұмған": ШҚО-да халықаралық іздеуде жүрген күдікті ұсталды

Шығыс Қазақстан облысында сегіз айдан бері халықарылық іздеуде жүрген қылмыскер ұсталды. Ер адам ұзақ уақыт бойы Ресейдің құқық қорғау органдарынан жасырынған деп хабарлайды KAZ.NUR.KZ Polisia.kz-ке сілтеме жасап.

ТМД елдері арасындағы шекара маңы ынтымақтастығын іске асыру жоспары аясында ШҚО полиция департаментінің криминалдық полиция басқармасы қызметкерлері қылмыскерді анықтаған.

"Ер адам құрылыс жұмыстарын жүргізу кезінде қауіпсіздік ережелерін бұзған. Соның кесірінен бірнеше адам қайтыс болған. Соған байланысты мемлекетаралық іздеу жарияланды. Қазір Ресей Федерациясындағы әріптестерімізге күдіктінің қай жерде екені хабарланды", – деді ШҚО полиция департаментінің бастығы Сағат Мәдиев.

Айта кетейік, Шығыс Қазақстан облысының полициясы жыл басынан бері түрлі қылмыс жасағаны үшін Ресейдің құқық қорғау органдары іздестіріп жүрген 18 қылмыскерді анықтады.