RU

Алматыда бір күнде 20 кәсіпкер карантин талабын бұзған

Полицей1
Көрнекі фото: NUR.KZ / Петр Карандашов

Алматы қаласында бір күн ішінде карантин талаптарын 20 кәсіпкер бұзған деп хабарлайды KAZ.NUR.KZ порталы ҚазАқпаратқа сілтеме жасап.

20 қазан күні Алматы қаласының мониторингілік топтары 56 тексеру өткізді. Олардың барысында 21 нысанда карантин талаптары бұзылғаны анықталды. Тиісті жұмыстар жүргізілді. Бетперде режимін бұзу бойынша жеке тұлғаларға әкімшілік құқық бұзушылық туралы 2 хаттама толтырылды. Алматы қаласының Бас мемлекеттік санитар дәрігерінің қаулысымен қызметіне тыйым салынған нысандар, сондай-ақ жұмыс режимінің бұзылуы анықталды.

Әуезов ауданының мониторингілік топтары бірнеше нысанда маска режимі сақталмағанын тіркеді.

Соның ішінде Еуразиялық банк ғимараты, Абай көшесінің бойындағы лагманхана, "Алмасат" медициналық орталығы бар. Бостандық ауданында "Jungle" рестобары, "Мармарис" дәмханасы, "Мармарис wok" дәмханасында карантин шаралары бұзылған. Мониторингілік топ Наурызбай ауданындағы "Көктем" дүкенінен, "Буррито" дәмханасы, "Мандарин" дүкені, сондай-ақ сұлулық салоны мен кеңсе үй-жайында карантиндік іс-шаралардың бұзылғанын анықтады. Әкімдік кәсіпкерлерді эпидемиялық жағдай күрделене түскен кезде санитарлық нормаларды қатаң сақтауға және келушілер мен қызметкерлердің денсаулығына қауіп төндірмеуге шақырады.

Алматы әкімдігі қала тұрғындары мен қонақтарын барлық сақтық шараларын: маска киюді, әлеуметтік қашықтықты сақтауды, дезинфекциялық құралдарды пайдалануды және мүмкіндігінше адамдар көп жиналатын орындарға бармауды ескертеді.

Еске салсақ, Алматы қаласының бас санитар дәрігері Жандарбек Бекшин қалада эпидемиологиялық жағдайдың күрделене түскенін мәлімдеді.

Оған қоса, денсаулық сақтау вице-министрі Ажар Ғинаят 26 қазаннан бастап жұмысын бастайтын кинотеатрларға қандай талаптар қойылатынын айтып берді.

Мақаланың түпнұсқасы: https://kaz.nur.kz/society/1880821-almatyda-bir-knde-20-ksipker-karantin-talabyn-bzgan/