RU

Қарағанды облысына ПТР анықтамасыз кіруге тыйым салынады

Бекетегі тексеріс
Көрнекі фото: NUR.KZ

Қарағанды ​​облысының бас санитар дәрігерінің жаңа қаулысы жарияланды. Құжатта үш ауданда санитарлық бекеттер қою, сондай-ақ облыстан шығу және кіру кезінде міндетті түрде ПТР сертификатының болуы жөніде жазылған деп хабарлайды KAZ.NUR.KZ.

Бұқар жырау, Қарқаралы және Осакаров облыстарында орналасқан сыртқы шекараларға кіру/шығуды бақылау үшін санитарлық бекеттер қою туралы қаулы Қарағанды ​​облысының санитарлық-эпидемиологиялық бақылау департаментінің ресми сайтында жарияланған.

Құжатта шектеулер 4 қараша сағат 00.00-ден бастап күшіне енеді делінген.

Молодежный кентінің жанындағы Қызылорда-Павлодар тас жолының, Қалмаман-Баянауыл-Үміткер-Ульяновск тас жолының Үміткер ауылының жанында және Қарағанды​-Аягөз-Бұғаз жолының Кентөбе ауылының маңында Семей бағытында санитарлық посттар пайда болады.

Мұнда температура өлшеніп, сауалнама жүргізіледі. Полицияға коронавирус тестінің теріс нәтижесі бар анықтамасы жоқ болса, санитарлық бекеттен өтуге жол бермеу туралы нұсқау берілді.

Еске салсақ, Шығыс Қазақстандағы коронавирус жағдайына алаңдаған жергілікті билік шектеу шараларын күшейтті. Бүгіннен бастап шығыста санитарлық 13 бекет қойылды.

Айта кеткен жөн, 2 қарашадан бастап Қызылорда облысында коронавирус инфекциясының таралуына байланысты жаңа шектеу шаралары күшіне енеді.

Облыс әкімдігі бас мемлекеттік санитар дәрігер Әлия Әбдіқайымованың 31 қазандағы қаулысын жариялады.

Мақаланың түпнұсқасы: https://kaz.nur.kz/society/1882653-karagandy-oblysyna-ptr-anyktamasynsyz-kiruge-tyjym-salynady/