Бекшин 65 жастан асқан алматылықтарға не себепті жүруге тыйым салды

Алматы қаласының бас санитар дәрігері Жандарбек Бекшин Facebook-тегі онлайн-брифингте өзінің жаңа қаулысындағы 65 жастан асқан алматылықтарға аса қажет болмаған жағдайда көшеге шығуға тыйым салатын тармақты не үшін енгізгенін түсіндірді деп хабарлайды KAZ.NUR.KZ.

"Мен аға буынға үндеу жасағым келеді, біз 65 жастан асқандарға үйден шығуға тыйым салатын ережені енгіздік, өйткені бұл ең осал топ. Ал бірінші жартыжылдықта үйде болған тәртіпті егде тартқандардың 7%-ы ауырса, бірақ қазір бұл көрсеткіш 33%-ға жетті. Біз уақытша қолданып жатқан шаралар аға буынның сау болуын қамтамасыз етуге бағытталған", – деп түсіндірді Бекшин.

Ол сонымен қатар дәрігерлер 65 жастан асқан азаматтар арасындағы пациенттердің пайызын азайтуға тырысып жатқанын айтты. Нәтижелер бар, дегенмен жаңа жағдайларды болдырмау үшін егде жастағы алматылықтардан үйде отыруды сұрайды.

"Осы ережелерді сақтауға тек ата-әжелердің өздері ғана емес, балаларының да назар аударуларын сұраймыз", – деп қосты дәрігер.

Еске салсақ, жасы 65-тен асқан Алматы тұрғындарына үлкен қажеттілік болмаса үйлерінен шығуға тыйым салынғаны туралы жазған едік. Мұндай шектеу қаланың бас мемлекеттік санитарлық дәрігері Жандарбек Бекшиннің Алматы қаласы санитарлық-эпидемиологиялық бақылау департаментінің ресми сайтында жарияланған жаңа қаулысында пайда болды.

Оған қоса, құжатқа сәйкес, екінші тоқсаннан бастап 1-11 сынып оқушылары дәстүрлі форматта оқуды бастайды, бірақ барлығы емес.