RU

Шекарадан есірткі алып өтпек болған Өзбекстан азаматы ұсталды

Есірткімен ұсталған азамат
Фото: Polisia.kz

Түркістан облысының полицейлері шекарадан есірткі алып өтпек болған Өзбекстан Республикасының азаматын ұстады деп хабарлайды ІІМ ресми сайты Polisia.kz.

Түркістан облысы полиция департаментінің қызметкерлері есірткі қылмыстарының алдын алу бойынша үздіксіз жұмыс жасауда. Мәселен, Сарыағаш АПБ-нің полицейлері шекара бекеті қызметкерлерімен бірлесіп, түрлі заңсыздыққа жол бермеу мақсатында рейдтік жұмыстарын тұрақты жүргізіп отырады.

Осындай кезекті жұмыс күнінде Қазақстанан Өзбекстанға өтіп жатқан азамат күмән тудырып, полицейлер оны тоқтатады. Тексеру кезінде оның қалтасынан полиэтилен пакетке оралған,  ерекше хош иісі бар есірткі затына ұқсас зат табылды.

Белгілі болғандай, күмән тудырған ер азамат Өзбекстан Республикасының азаматы болып шықты. Ол қалтасындағы есірткімен Өзбекстанға өтпек болған.  

Аталған дерек, СДТБТ-не ҚР ҚК-нің 296-бабы (Есірткі, психотроптық заттармен, сол тектестермен өткізу  мақсатынсыз заңсыз жұмыс істеу) бойынша тіркеліп, сотқа дейінгі тергеу амалдары басталды.

Сараптама тағайындалып, оның қорытындысына сәйкес зерттеуге ұсынылған зат “кептірілген марихуана” екені анықталды. Жалпы салмағы 40 граммнан асады.

Егер де сіз, есірткі бойынша қандай да бір ақпараттарды білсеңіз бірден полицияның “102” нөміріне хабарласыңыз. Бұл өз кезегінде есірткіге байланысты қылмыстардың азаюы мен жолын кесуге септігін тигізеді.

Мақаланың түпнұсқасы: https://kaz.nur.kz/society/1885065-sekaradan-esirtki-alyp-tpek-bolgan-zbekstan-azamaty-staldy/