RU

Жабылуы мүмкін: Ақтөбе облысының әкімі шошқа шаруашылығына қатысты пікір білдірді

Ақтөбе облысының әкімі жиналыс өткізуде
Фото: Ақтөбе облысының ішкі саясат басқармасы

Ақтөбе облысының әкімі Бестамақтағы шошқа шаруашылығының бағытын өзгертуді немесе мүлдем жабу туралы талап қойылатындығын мәлімдеді.

Бүгін облыс әкімі Оңдасын Оразалиннің әлеуметтік желіде Бестамақтағы жағдайға байланысты жазбасы жарық көрді. Онда өңір басшысы жергілікті азаматтармен кездескенін, көпшіліктің көкейіндегі мәселені мұқият тыңдағаны айтылған.

Ақтөбе облысының ішкі саясат басқармасы
Фото: Ақтөбе облысының ішкі саясат басқармасы

Облыс әкімі сондай-ақ тұрғындарды сабырға шақырып, тиісті органдарға тапсырма берілгендігін, “Парижская коммуна – XXI” ЖШС басшылығына шаруашылықтың бағытын өзгертуге немесе мүлдем жабу туралы талап қойылатындығы мәлімделген.

Ақтөбе облысының ішкі саясат басқармасы
Фото: Ақтөбе облысының ішкі саясат басқармасы

Оңдасын Оразалиннің сөзіне қарағанда кәсіпорын қоршаған ортаға келтірген зиянды заттарды заласыздандыру, өтемақы төлеттіру және заң аясында жауапқа тартуды меңзесе, екіншіден көпшіліктің пікірін ескере отырып, тексеріс қорытындысының нәтижесімен "Парижская коммуна – XXI" ЖШС басшылығына шаруашылықтың бағытын өзгертуге немесе мүлдем жабу туралы талап қойылмақ.

“Қай мәселе болса да ашуға салмай, ақылға салып шешетін халықпыз. Бұл проблеманың да оңтайлы шешу жолдарын бірге қарап, ортақ бір мәмілеге келдік”,- делінген жазбада.

Ақтөбе облысының ішкі саясат басқармасы
Фото: Ақтөбе облысының ішкі саясат басқармасы

Оригинал статьи: https://kaz.nur.kz/society/1885806-zabyluy-mmkin-aktbe-oblysyny-kimi-soska-saruasylygyna-katysty-pikir-bildirdi/