Top.Mail.Ru

Сайт нұсқасы

ru kz

Зектілері

Коронавируспен күрес: Қазақстан Қырғызстанға гуманитарлық көмек жіберді

Опубликовано:

Көмек
Фото: Индустрия және инфрақұрылымдық даму министрлігі

Қазақстан коронавируспен күресу үшін Қырғызстанға гуманитарлық көмек жіберді деп хабарлайды KAZ.NUR.KZ порталы индустрия және инфрақұрылымдық даму министрлігінің баспасөз қызметіне сілтеме жасап.

Ведомство таратқан ақпаратқа сәйкес, бұл көмек мемлекет басшысы Қасым-Жомарт Тоқаевтың тапсырмасымен және үкіметтің 13 қарашадағы № 763 қаулысына сәйкес беріліп отыр.

Индустрия және инфрақұрылымдық даму министрлігі 2020 жылғы 23 қарашада Қырғыз Республикасына ауыр жүк көлігімен "Көкшетау-4П" өкпені жасанды желдету мобильді аппараттарының 400 данасын және Қазақстан кәсіпорындарда өндірілген 2 миллион медициналық бетперде жіберген.

Көмек
Фото: Индустрия және инфрақұрылымдық даму министрлігі

Жіберілген гуманитарлық жүктің жалпы құны 390 миллион теңгеге жуық қаржыны құрайды.

"Оның ішінде "Тыныс" АҚ шығарған "Көкшетау-4П" өкпені жасанды желдету аппараттарының құны - 328 млн теңге. "Dolce pharm" ЖШС және "Mega pharm" ЖШС шығарған медициналық бетперде құны - 61 млн теңге", - делінген хабарламада.

Еске сала кетсек, бұған дейін мемлекет басшысы Қасым-Жомарт Тоқаев Өзбекстан президенті Шавкат Мирзиёевпен телефон арқылы сөйлесіп, оның барасында екі елдің қырғыз халқына экономикалық және гуманитарлық көмек көрсететіні белгілі болған еді.

Кейін COVID-19-бен күресу үшін Қазақстан Қырғызстанға өкпені жасанды желдету мобильді аппараттарының 400 жиынтығы мен еліміздің кәсіпорындарында өндірілген 2 млн медициналық маска жеткізетіні хабарлаған болатын.

Мақаланың түпнұсқасы: https://kaz.nur.kz/society/1886445-koronaviruspen-kres-kazakstan-kyrgyzstanga-gumanitarlyk-kmek-ziberdi/

pixel