RU

Үйлер мен көліктер қар астында: Ресей қалаларының біріне қалың қар түсті

Қар
Фото: 4tololo.ru

Ресейдің ең суық қалаларының бірі Норильскіде екі айлық қар мөлшері 5 күнде жауды. Салдарынан адамдар көліктерін қар астынан таба алмай әлек болуда деп жазады 4tololo.ru.

Ресейдің солтүстігіндегі Норильск қаласының тұрғындары қалың қарға еті үйренгендерін айтады. Себебі, Норильск - әлемдегі ең суық қалалардың бірі.

Қар
Фото: 4tololo.ru

Мұнда қыс ұзақ және суық, қаңтардың орташа температурасы -44 ° C шамасында.

Қар
Фото: 4tololo.ru

Айтпақшы, Норильск - әлемдегі ең желді бес елдімекеннің бірі.

Қар
Фото: 4tololo.ru

Десе де Норильск тұрғындары бұған үйреніп қалған, ал биылғы жылы қалада 5 күнде екі айлық қар мөлшері түскенде, олар айтарлықтай таң қалмаған сияқты.

Қар
Фото: 4tololo.ru

Красноярск гидрометеорологиялық орталығының мәліметтері бойынша, жергілікті тұрғындар секундына 22-27 метрге дейін жететін мұзды желдің екпініне төтеп беруде.

Қар
Фото: 4tololo.ru

Олар Instagram парақшаларында қарлы қыстың суреттерін жүктей бастады.

Қар
Фото: 4tololo.ru

Адамдар қалың қардың астынан көліктерін қазып алуда. Қала билігі дауылды ескерту жариялаған, мектептерде сабақ тоқтатылды, қар тазалайтын техникалар тоқтаусыз жұмыс істеуде.

Қар
Фото: 4tololo.ru

Көлік иелері "темір тұлпарларын" қалың қардан қазып шығарып қана қоймай, оларға жол ашумен әлекке түсіп жүр.

Қар
Фото: 4tololo.ru

Еске салсақ, бұған дейін қыстың алғашқы айында елімізде ауа райы қандай болатынын жазған едік.

Қар
Фото: 4tololo.ru

Одан бөлек, танымал "Орел и решка" бағдарламасының жүргізушісі Қазақстанның табиғатына таңдай қаққанын жазған болатынбыз.

Қар
Фото: 4tololo.ru

Мақаланың түпнұсқасы: https://kaz.nur.kz/society/1887565-jler-men-klikter-kar-astynda-kaldy-resej-kalalaryny-birine-kaly-kar-tsti/