RU

Қазақстанда шенеуніктердің әйеліне шетелден есепшот ашуға неліктен тыйым салынбаған

Ақша
Көрнекі фото: NUR.KZ

Қазақстандық сыбайлас жемқорлыққа қарсы қызмет басшысының орынбасары ОКҚ-дағы онлайн брифингте заңнамада шенеуніктер үшін шетелдерде есепшотына неліктен тыйым салынып, бірақ олардың әйелдері мен басқа туыстарының шетелдік банктерде есепшоттары болуына тыйым салмайтындығын түсіндірді деп хабарлайды KAZ.NUR.KZ.

Сыбайлас жемқорлыққа қарсы қызмет басшысының орынбасары Олжас Бектенов Қазақстанның сыбайлас жемқорлыққа қарсы заңнамадағы шетелдік тәжірибені зерттегенін және "алғашқы қадам" ретінде тек шенеуніктерге тыйым салуды жөн деп тапқанын айтты.

Алайда, шенеуніктердің әйелдері мен басқа туыстары егер бизнеспен айналысқан жағдайда шетелдік есепшотқа иелік ету мүмкіндігі бар.

"Біз нарықтық экономика жағдайында өмір сүреміз және жұмыс істейміз. Отбасы мүшелері, шенеуніктердің жұбайлары, мемлекеттік қызметкерлер кәсіпкерлікпен және басқа да қызметпен айналыса алады, мүмкін шетелге шығу қажет шығар.

Егер біз оларға шектеу қойсақ, біздің азаматтарға қатаң шектеулер болуы мүмкін. Біз бірінші қадамды жасадық, мемлекеттік қызметкерлердің шетелде есепшоттарына тыйым салдық, бірақ уақыт алға қарай жылжиды, біз бұл мәселені зерттеуді жалғастырамыз, құқық қолдану тәжірибесі көрсетеді", – деді Бектенов.

Еске салсақ, сенат депутаттары қылмыстық процесте азаматтар құқығын қорғау және сыбайлас жемқорлыққа қарсы іс-қимылды күшейтуге арналған заң қабылдаған болатын.

Ауыр және аса ауыр сыбайлас жемқорлық қылмысы үшін сотталғандарды мерзімінен бұрын босатуға да тыйым салынатыны туралы жазған едік.

Мақаланың түпнұсқасы: https://kaz.nur.kz/society/1890242-kazakstandagy-seneunikterdi-jeline-setelden-esepsot-asuga-nelikten-tyjym-salynbagan/