RU

Президент отандық телеарналарға тарихи фильмдер түсіруді тапсырды

Тоқаев1
Фото: Alexander Astafyev\TASS via Getty Images

Қазақстан президенті Қасым-Жомарт Тоқаев құзырлы органдар мен отандық телеарналарға мемлекеттік тапсырыстың белгілі бір бөлігін міндетті түрде тарихи тақырыптарға бағыттауды тапсырды. Бұл туралы мемлекет басшысы «Egemen Qazaqstan» газетінде жарияланған «Тәуелсіздік бәрінен қымбат» атты мақаласында айтты.

«Алмас қылыш», «Жау жүрек мың бала», «Томирис», «Кейкі батыр», «Тар заман» сияқты тарихи фильмдер түсірілді. Бірақ бұл әлі жеткіліксіз. Мен құзырлы органдар мен отандық телеарналарға мемлекеттік тапсырыстың белгілі бір бөлігін міндетті түрде тарихи тақырыптарға бағыттауды тапсырамын. Әрине, қаржы мәселесі шешілуі керек. Дегенмен, көп қаражат жұмсамай да жоғары деңгейдегі өнер туындысын түсіруге болатынын қырғыз бауырларымыз «Құрманжан датқа» фильмі арқылы анық көрсетті" , - делінген Президент мақаласында.

Мақаланың түпнұсқасы: https://kaz.nur.kz/society/1892226-prezident-otandyk-telearnalarga-tarihi-filmder-tsirudi-tapsyrdy/