RU

Қостанай облысында республикалық жолдар уақытша жабылды

Аязды күн
Көрнекі фото: piqsels.com

Қостанай облысының солтүстік аудандарындағы қатты аяз түсіп, бұрқасын көтерілгендіктен бүгін республикалық маңызы бар тасжолдағы көлік қозғалысына шектеу қойылды.

Бүгін сағат 21:30-дан бастап республикалық «Мамлютка-Қостанай» А-21, «Екатеринбург-Алматы» тас жолы учаскесінде, Солтүстік Қазақстан облысының шекарасынан Ұзынкөл кентіне дейін қозғалыс уақытша жабылды.

Департамент мамандары ауа райының күрт өзгеруіне байланысты облыс тұрғындарын алыс жолға шықпауға шақырады.

«Азаматтарға метеорологиялық мәліметтерді «Дәрмен» қосымшасы арқылы қадағалауға, ауа райының нашарлауына байланысты автожолдардағы қозғалысты шектеуге шақырады. Сонымен қатар бұрқасын кезінде елді мекендерден тыс жерлерге шықпауды ұсынады. «Қазгидромет» РМК филиалының деректері бойынша, 2021 жылдың қаңтар айының екінші онкүндігінде ауа температурасы -38 градусқа дейін төмендейді деп күтілуде.

Егер сіз төтенше жағдайға тап болсаңыз, құтқару қызметіне еліміздің барлық өңірлерінде қол жетімді «112» телефонына қоңырау шалыңыз», - делінген баспасөз хабарламасында.

Айта кетейік, бас мемлекеттік санитар дәрігер Ерлан Қиясов орталық коммуникациялар қызметінде өткен брифингте ел тұрғындарына үндеу жасап, карантин талаптары күшейтілуі мүмкін екенін мәлімдеді.

Қиясовтың сөзінше, азаматтардың сақтық шараларына немқұрайлы қарауының салдарынан елімізде эпидемиологиялық жағдай нашарлаған. Сондықтан, қонаққа бармауға және қонаққа шақырмауға, жеке гигиена және респираторлық гигиена ережелерін сақтауға, қоғамдық орындарда әлеуметтік арақашықтықты сақтауға, медициналық маска тағуға, антисептиктер қолдануға шақырамын, деді бас санитар дәрігер.

Оригинал статьи: https://kaz.nur.kz/society/1893627-kostanaj-oblysynda-respublikalyk-zoldar-uakytsa-zabyldy/