RU

Минус 30 градус аяз: Алдағы үш күнде елімізде күн суытады

Ауа райы
Көрнекі фото: pixabay.com

Еліміздің синоптиктері алдағы үш күн, 19-21 қаңтарға арналған ауа райы болжамын ұсынды деп хабарлайды KAZ.NUR.KZ "Қазгидромет" РМК сілтеме жасап.

Мамандардың айтуынша, дәл қазір оңтүстік циклон солтүстік-шығысқа ауысады, оның орталығы Каспий теңізінің үстінде.

Салдарынан жауын-шашын, жел күшейіп, солтүстікте боран, оңтүстікте көктайғақ болады.

Алайда 21 қаңтарда еліміздің батыс өңірлеріне антициклон жотасы әсер ете бастайды. Нәтижесінде жауын-шашын тоқтап, аяз басталады.

Синоптиктердің болжауынша, түнгі уақытта ауа температурасы -22-30℃ дейін төмендеуі мүмкін.

Еске сала кетсек, синоптиктер 18 қаңтарда Қазақстанның бірнеше өңірінде ауа райына байланысты дауылды ескерту жариялаған болатын.

18 қаңтарда Қостанай облысының кей жерлерінде тұман, жаяу бұрқасын күтіледі. Оңтүстік-батыстан, батыстан жел соғады, кей жерлерде 15-20 м/с жетеді.

18 қаңтарда Ақтөбе облысының кей жерлерінде тұман болады. Солтүстік-шығыстан, шығыстан жел соғады, күндіз кей жерлерінде 15 м/с күтіледі.

Күндіз 18 қаңтарда Батыс Қазақстан облысының оңтүстігінде жаяу бұрқасын, жел солтүстік-шығыстан соғады, күші 15-20 м/с.

Түнде 18 қаңтарда Ақмола облысында кей жерлерде жаяу бұрқасын, тұман күтіледі. Оңтүстік-батыстан соғатын жел солтүстік-батысқа ауысады, түнде кей жерлерде күші 15-20 м/с болуы мүмкін.

Мақаланың түпнұсқасы: https://kaz.nur.kz/society/1894293-minus-30-gradus-aaz-aldagy-s-knde-elimizde-kn-suytady/