Алматы облысында ауа райының нашарлауына байланысты облыстық жолдар жабылды
Опубликовано:
Алматы облысында ауа райының нашарлауына байланысты облыстық маңызы бар "Алматы - Өскемен - Қапал-Арасан шипажайы" екі жол учаскесі жабылды деп хабарлайды KAZ.NUR.KZ Алматы облысы ТЖД баспасөз қызметіне сілтеме жасап.
Ведомствоның хабаралуынша, сағат 9.30-дан бастап облыстық маңызы бар "Алматы - Өскемен - Қапал-Арасан шипажайы" екі жол учаскесі 0 шақырымынан бастап 45 шақырымына дейін және Көктебе ауылына дейін көліктің барлық түрлері үшін жабылған.
Төтеншеліктер жүргізушілерден аталған бағыттарға қарай сапарламауды, сондай-ақ 112 қызметінен келген ауа райы туралы хабарламаларға мән беруді сұрайды.
"Алыс жолға шықпас бұрын ауа райымен танысып, сізге экстремалды жағдайларда көмегі тиетін керекті заттың бәрін алуды сұраймыз", - дейді ведомство.
Еске сала кетсек, синоптиктер 24 қаңтарда Қазақстанның сегіз өңірінде ауа райының нашарлауына байланысты дауылды ескерту жариялады.
24 қаңтарда Ақтөбе облысының кей жерлерінде көктайғақ, жаяу бұрқасын күтіледі.
Түнде 24-25 қаңтарда Павлодар облысында 35-40, 25 қаңтарда кей жерлерде 43 градус қатты аяз болуы ықтимал.
Батыс Қазақстан облысының кей жерлерінде тұман күтіледі.
Түркістан облысында кей жерлерінде тұман, жаяу бұрқасын, шығыстан, оңтүстік-шығыстан соғатын желдің күші 15-20 м/с күтіледі.
Шымкент қаласында 24 қаңтарда түнде жаяу бұрқасын, шығыстан, оңтүстік-шығыстан екпіні 15-20 м/с желдің күшеюі болады.
Мақаланың түпнұсқасы: https://kaz.nur.kz/society/1895334-almaty-oblysynda-aua-rajyny-nasarlauyna-bajlanysty-oblystyk-zoldar-zabyldy/