Top.Mail.Ru

Сайт нұсқасы

ru kz

Зектілері

Түркістан облысында жасөспірім тереңдігі 12 метрлік құбырға түсіп кетті

Опубликовано:

Жасөспірім 12 метрлік құбырға түсіп кетті
Видеодан кадр: Polisia.kz

Түркістан облысының учаскелік полиция инспекторы тереңдігі 12 метрлік құбырға түсіп кеткен баланы құтқарды деп хабарлайды ІІМ ресми сайты Polisia.kz.

Түркістан облысында Ордабасы АПБ қызметкерлері кәсіби шеберліктерінің арқасында жас баланың өмірін сақтап қалды. Нақтырақ айтсақ, Ордабасы АПБ-ға кешкі сағат 20:30 шамасында кішкентай бала хабарласып, ағасына көмектесулерін сұрайды.

Хабарлама алысымен осы аймаққа бекітілген учаскелік полиция инспекторы әрекетке көшеді. Ойын толық жеткізе алмаса да баламен тілдесіп, қандай да бір мәлімет алуға тырысады. Дегенмен өзіне бекітілген аумақтың ой-шұқырын толық білетінінің арқасында, полицей аз уақыттың ішінде баланың айтқан жерін топшылап жетеді.

Оқиға орнына жеткен тәртіп сақшысы 12 жасар жас баланың ескі фирманың су жиналатын құбырына түсіп кеткенін анықтайды. Содан Бадам ауылының учаскелік полиция инспекторы Сәкен Сайланов кызметтiк мiндетіне жоғары жауапкершiлiкпен қарап, қырағылық танытып, бірден жас баланы шығаруға кіріседі.

Қайнар ауылының сыртында орналасқан бұл құбырдың тереңдiгi 10 метрден асады. Осыған орай полицей әріптестерін көмекке шақырып, өзі бала тұрған құбырға түседі. Жаурап тұрған балаға киімдерін кигізіп жылындырады. Осы аралықта басқа тәртіп сақшылары арқан әкеліп, бала аман-есен сыртқа шығарылады.

Белгілі болғандай, 12 жастағы бала інісімен ойнап жүріп, абайсызда аталған бетон шұнқырға түсiп кеткен. Өздігінен ары-бері шығамын деп бірнеше сағат талпынғанмен еш нәтиже шықпаған. Содан кейін інісіне полицияға хабарласуын сұраған.

Оған қоса осы 2-3 сағат ішінде ойынға шыққан екі бірдей баласы жоқ болғаннан кейін ата-аналары, туыстары мен көршілері де іздеуге шыққан. Соңында балалар аман-сау күйінде отбасына қайтарылды.  Өз кезегінде баласын тауып берген тәртіп сақшыларына ақ жаулықты ана ақжарма тілегін арнап, жұмыстарына табыс тіледі.

Мақаланың түпнұсқасы: https://kaz.nur.kz/society/1897110-trkistan-oblysynda-zasspirim-teredigi-12-metrlik-kbyrga-tsip-ketti/

pixel