Нұр-Сұлтандағы "Қазақстан" спорт кешені жайлы Көлгінов мәлімдеме жасады

Нұр-Сұлтан әкімі Алтай Көлгінов халыққа есеп беру кездесуінде "Қазақстан" спорт кешенін жөндеу жұмыстары қашан аяқталатынын айтты. Бұрын мұнда қаланың көптеген тұрғыны спортпен айналысқан деп хабарлайды KAZ.NUR.KZ.

Алтай Көлгінов аталған спорт кешені қаланың тығыз орналасқан ауданы - "Алматы" ауданында тұрғанын хабарлады.

"Ол жарамсыз болып қалды, қазір ғимарат апатты жағдайда тұр. Әсіресе шатырға және басқа тірек құрылымдарға қатысты мәселелер. Сондықтан, біз жобалық-сметалық құжаттаманы әзірледік, биыл күрделі жөндеуді, жаңғыртуды бастаймыз, тіпті бұл ғимаратты толығымен бұзуға тура келуі мүмкін", - деді әкім.

Сондай-ақ, ол қалай және қандай бөлікті алып тастайтынын мамандар айтатынын түртіп өтті. Көлгіновтің сөзінше, бұл жұмыс 2021 жылы басталады. Нысан қолдануға 2022 жылы беріледі.

"Тұрғындар көптеген сұрақтар қойып, оны тезірек жасауды сұрап жатыр. Себебі, сол ауданда "Қазақстан" спорт кешенінде адамдар, әсіресе жастар спортпен шұғылданып, денсаулығын нығайта алды. Біз бұл кешенді жөндейміз, сәйкестендіреміз және қайта ашамыз",- деді ол.

Айта кетейік, бүгін қала әкімі Алтай Көлгінов Қосшыны астанаға қосу мәселесі жоспарда жоқ екенін айтты.

Сөзінше, астанадан жақын орналасқан 16 елді мекен бар. Онда 300 мың адам тұрады. Жол салу, сумен қамтамасыз ету және көшелерді жарықтандыру секілді тұрғындардың проблемалары Ақмола облысының әкімдігімен біріге отырып шешілетін болады, деп сендірді Көлгінов.