Алматыдағы балалар үйінің қызметкерлеріне қатысты қылмыстық іс қозғалды

Алматы қаласы бойынша экономикалық тергеу департаменті "Алматы облысының білім басқармасының №1 Алматы облыстық балалар үйі" КММ қызметкерлеріне қатысты екі қылмыстық бап бойынша сотқа дейінгі тергеу жүргізіліп жатыр. Бұл туралы қаржы мониторингі агенттігінің баспасөз қызметі хабарлады.

Ведомство балалар үйінің қызметкерлеріне қатысты тергеу ұрлық фактісі (қылмыстық кодексінің 189-бабы, 4-бөлігі, 2-тармағы) бойынша жүргізіліп жатқанын атап өтті.

"Осы іс аясында абайсыздық фактісі (қылмыстық кодексінің 371-бабы, 1-бөлігі) бойынша коммуналдық мемлекеттік мекемесінің лауазымды тұлғаларына қатысты сотқа дейінгі тергеу басталды", – деп хабарлады қаржыгерлер қауымдастығы.

Қылмыстық істің егжей-тегжейі және жымқырудың мөлшері туралы тергеу мүддесі үшін айтылмады.

Еске салсақ, 2021 жылы 11 ақпанында бірқатар БАҚ пен әлеуметтік желілерде Жоғарғы Сот судьясы басқа судьяның қызмет орнын ауыстыруға ықпал ету үшін пара алу үстінде ұсталуы туралы ақпарат тарады.

Қазақстанның Жоғарғы сот Кеңесі ресми сайтында Жоғарғы сот судьясының қамауға алынуна қатысты мәлімдеме жасады. Ведомствоның мәліметінше, қызмет атқарып жүрген судьяларды бір соттан басқа сотқа ауыстырулар конкурстан тыс тәртіпте тек Жоғарғы Сот Төрағасының ұсынымымен Жоғарғы Сот жанындағы Сот төрелігінің сапасы жөніндегі комиссияның шешімі негізінде іске асуы мүмкін. Жоғарғы Сот Кеңесі осы шешімді негізге алып, ұсыныс жасайды.

Оған қоса, Маңғыстау облысында кәмелеттік жасқа толмағандар ісі жөніндегі мамандандырылған ауданаралық соты карантинге жабылды.