RU

Алматы облысында жол апатынан екі адам қайтыс болып, тағы үшеуі жарақат алды

Жол апаты
Оқиға орны. Фото: instagram.com/kris_p_kz

Еңбекшіқазақ ауданы Көкпек шатқалы маңында Audi мен Lexus көліктері соқтығысып қалды. Жол апаты салдарынан екі адам қайтыс болып, тағы үшеуі жарақат алды.

Жол-көлік оқиғасының кадрлары instagram желісіндегі kris_p_kz парақшасында пайда болған. Кадрларда екі көліктің апатқа ұшырағанын көруге болады.

Sputnik Қазақстанның ақпаратынша, Алматы - Көкпек - Көктал тас жолының 167 шақырымында жол апаты орын алған.

Өңірлік Полиция департаментінің мәліметінше, алдын ала болжамға сәйкес иномаркалардың бірі алдындағы көлікті басып озбақ болып, қозғалыстың қарсы бағытына шығып кетіп, көлікпен соқтығысуға жол берген.

Жол апаты салдарынан екі адам қайтыс болып, үшеуі медициналық мекемеге жеткізілген. Қылмыстық кодекстің 345 бабы бойынша сотқа дейінгі тергеу басталған. Тиісті сараптамалар тағайындалды.

Еске сала кетсек, Шымкентте "Ордабасы" индустриалды аймағында бес қабатты ғимарат опырылып құлап, салдарынан үш адам қаза болған еді.

Төтенше жағдайлар департаментінің мәліметінше, бес қабатты ғимараттың 625 шаршы метр темір-бетон плиталарының жабындысы опырылып түскен. Ғимарат қараусыз қалған, оның жалпы ауданы – екі мың шаршы метр.

Оқиға орнына жедел құтқару жасағы, кинологиялық есеп пен апаттар медицинасы орталығының бригадасы тартылған. Кинологтар үйінді астынан үш ер адамның (1967, 1992 және 1999 жылғы) денесін тапты.

Мақаланың түпнұсқасы: https://kaz.nur.kz/society/1898864-almaty-oblysynda-zol-apatynan-eki-adam-qaitys-bolyp-tagy-useui-zaraqat-aldy/