RU

Елордалық әйел бірнеше күн ішінде үш рет құқық бұзған

Тәртіп сақшысы
Көрнекі фото: pixabay.com

Нұр-Сұлтанда әйел адам бірнеше күн ішінде құқыққа қайшы үш әрекет жасады: дәмханада ақша төлемеген, мүлікті зақымдап, мас күйінде жанжал шығарған. Полицейлер бірнеше әкімшілік хаттама толтырған деп хабарлайды Sputnik Қазақстан.

Елорда полиция департаментінің мәліметінше, 5 ақпанда "Есіл" ауданының полиция басқармасына Сарайшық көшесіндегі қонақ үйдің дәмханасынан хабарлама түскен. Клиент ақша төлеуден бас тартқан.

Құқықбұзушыға қатысты Әкімшілік құқықбұзушылық туралы кодекстің 440-бабы бірінші тармағы (Алкогольдік ішімдіктерді iшу немесе қоғамдық орындарға масаң күйде келу) бойынша әкімшілік хаттама толтырылған.

7 ақпанда Қонаев көшесіндегі қонақ үйде белгісіз біреу мүлікке зақым келтірген. Бұл факті бойынша да Әкімшілік кодекстің 434-бабы бірінші тармағы (Ұсақ бұзақылық) және 440-бабы бірінші тармағы бойынша әкімшілік хаттама толтырылды.

Мамандандырылған ауданаралық әкімшілік соттың шешімімен әйелге 5 АЕК (14 585 теңге) айыппұл салынды.

9 ақпанда Қонаев көшесіндегі дәмханада қасында баласы бар мас әйел жанжал шығарғаны туралы хабар келді. Оқиға орнына тәртіп сақшылары аттанды. Медициналық куәландырудың қорытындысына сәйкес, әйел орташа дәрежеде мас болған.

Оған қатысты Әкімшілік құқықбұзушылық туралы кодекстің 127-бабы (Кәмелетке толмаған адамды тәрбиелеу және (немесе) оған білім беру, оның құқықтары мен мүдделерін қорғау жөніндегі міндеттерді орындамау) бойынша әкімшілік өндіріс басталды.

Мақаланың түпнұсқасы: https://kaz.nur.kz/society/1898868-elordalyq-aiel-birnese-kun-isinde-us-ret-quqyq-buzgan/