38 градус аяз, көктайғақ, тұман: Еліміздің бірнеше өңірінде ескерту жарияланды

Еліміздің синоптиктері 27 ақпанға арналған ауа райы болжамын ұсынды. Мамандардың мәліметінше, республиканың бірнеше өңірінде қолайсыз ауа райы сақталады деп хабарлайды Қазгидромет.

Қызылорда облысының кей жерлерінде көктайғақ, тұман күтіледі. Күндіз оңтүстік-шығыстан, оңтүстіктен жел соғады. Ал Қызылорда қаласында тұман болады.

Қостанай облысының кей жерлерінде бұрқасын, тұман күтіледі. Оңтүстік-шығыстан жел соғады,екпіні 15-20 м/с-ға жетеді.

Қостанай қаласында күндіз бұрқасын болады деп болжануда.

Солтүстік Қазақстан облысының кей жерлерінде жаяу бұрқасын болуы мүмкін.

Қарағанды облысында кей жерлерінде тұман күтіледі. Жел оңтүстік-батыстан, оңтүстіктен соғады. 27 ақпанда түнде кей жерлерінде 35-38 градус қатты аяз қүтіледі.

27-28 ақпанда Жамбыл облысында кей жерлерде оңтүстік-батыстан жел соғады күші 15-20 м/с-ға жетеді.

27 ақпанда Ақмола облысының батысында бұрқасын күтіледі. Оңтүстік, оңтүстік-шығыстан жел соғады, күші күндіз кей жерлерде 15-20 м/с-ға жетеді.

Ақтөбе облысының кей жерлерінде жаяу бұрқасын, көктайғақ күтіледі. Желдің бағыты оңтүстік-шығыстан оңтүстік-батысқа ауысады, түнде кей жерлерінде, күндіз басым бөлігінде екпіні 15-20 м/с-ға жетеді.

Ақтөбе қаласында жаяу бұрқасын, көктайғақ болуы ықтимал. Желдің бағыты оңтүстік-шығыстан оңтүстік-батысқа ауысады, күндіз екпіні 15 м/с болады деп болжануда.