Боранды күн: Қазақстанның бірқатар өңірінде жолдар жабылды

Ауа райының қолайсыздығына байланысты Қазақстанның бірқатар өңірінде жолдар жабылды деп хабарлайды Sputnik Қазақстан.

Ауа райының қолайсыздығына, боран болып, жолдың көрінбеуіне байланысты бірнеше жолда көлік қозғалысы тоқтатылды:

• Қарағанды облысында сағат 8:30-да Жезқазған – Петропавл (65-138 шақырым), Жезді – Ұлытау.
• Қостанай облысында Екатеринбург – Алматы (686-729 шақырым), Сарыкөл – Солтүстік Қазақстан облысының шекарасы.
• Солтүстік Қазақстан облысында Екатеринбург – Алматы (729-768 шақырым), Қостанай облысының шекарасы – Тоқсан би ауылы.
• Ақмола облысында Жезқазған – Петропавл (377-440 шақырым), Қостанай облысының шекарасы – Державинск.
• Павлодар облысында Омбы – Майқапшағай (191-390 шақырым), Ресей Федерациясының шекарасы – Мичурино.
• Ақтөбе облысында Қарабұтақ – Комсомольское – Денисовка – Рудный – Қостанай (89-234 шақырым), Т.Жүргенов ауылы – Қостанай облысының шекарасы.

8:30-да Ақмола облысында Екатеринбург – Алматы (997-1114 шақырым), Атбасар – Жалтыр ауылында жол ашылды.

Айта кетейік, Қазақстанның 10 облысында дабылды ескерту жарияланды. Қазақстанның басым бөлігінде ауа райы тұрақсыз болады. Қазгидромет мамандары 11 наурызда қар мен жаңбыр, жауын-шашын, тұман, көктайғақ және жел болатынын хабарлады.

Құтқарушылар қазақстандықтарды ауа райының өзгеруін бақылауға, дауыл туралы ескертулерді ескеріп, барлық сақтық шарасын сақтауға шақырды.