Қазақстанда коронавирустан 4 адам қайтыс болды

Қазақстанда өткен тәулікте коронавирус инфекциясынан 4 науқас қайтыс болды. Бұл туралы денсаулық сақтау министрлігі хабарлады.

11 наурыздағы мәлімет бойынша, Алматы қаласында 3 науқас (КВИ+), Жамбыл облысында бір науқас көз жұмған (КВИ-).

Сонымен қатар, соңғы жарияланған мәліметтер бойынша бүгінде елімізде короновирус инфекциясынан 18 658 адам (14 277 КВИ+ және 4 381 КВИ-) емделуде. Олардың ішінде 4 827 пациент стационарда, 13 831 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 235 адамның жағдайы ауыр;

• 44 пациенттің жағдайы өте ауыр;

• 43 науқас ӨЖЖ аппаратында жатыр.

Сондай-ақ, COVID-19 белгілері бар пневмониямен сырқаттанушылар жөнінде жаңа деректер шықты.

2021 жылғы 11 наурыздағы мәлімет бойынша 55 жағдай тіркеліп, 1 жағдай өліммен аяқталған. 181 адам жазылып шыққан.

2020 жылдың 1 тамызынан бастап:

• Науқастар саны – 49 749
• өлім жағдайлары - 653
• сауығып шыққандар - 44 715 адам.