Қолайсыз ауа райына байланысты республикалық маңызы бар кей жолдар жабылды

Қолайсыз ауа райына байланысты Қазақстанда бірқатар республикалық маңызы бар жолдар жабылды деп хабарлайды KAZ.NUR.KZ порталы индустрия және инфрақұрылымдық даму министрлігінің Телеграм арнасына сілтеме жасап.

Ақтөбе облысында:

Жүк және қоғамдық көліктер үшін:

1. "Самара-Шымкент" тасжолының 776-1153 шақырымында, атап айтқанда, "ЭКО ОЙЛ" ЖҚБ мен (М-32 и А-26) жол айырығы аралығындағы учаскеде.

2."Қарабұтақ-Комсомольское-Денисовка-Рудный-Қостанай" тасжолының 0-234 шақырымында, атап айтқанда, Қарабұтақ ауылы мен Қостанай облысының шекарасы аралығындағы учаскеде.

Автокөліктің барлық түрлері үшін

3. "Қандыағаш-Эмба-Шалқар-Ырғыз" тасжолының 3-257 шақырымында, атап айтқанда, Қандыағаш және Шалқар қалаларының аралығындағы учаскеде.

4. "Ақтөбе-Атырау-РФ шекарасы" тасжолының 100-180 шақырымында, атап айтқанда Қандыағаш қаласы мен Шұбарқұдық ауылының аралығындағы учаскеде (учаске реконструкцияланып жатыр, "Юнисерв" ЖШС)

Қостанай облысында:

1. Жүк және қоғамдық көліктер үшін "Қарабұтақ-Комсомольское-Денисовка-Рудный-Қостанай" тасжолының 234-368 шақырымында, атап айтқанда, Ақтөбе облысының шекарасы мен Денисовка ауылының аралығындағы учаскеде.

Естеріңізге сала кетейік, осыған дейін Синоптиктер бүгін, 26 наурызда Қазақстанда ауа райы қандай болатынын хабарлаған болатын.