RU

Діни басқарма пітір садақасын онлайн берудің жолын көрсетті

садақа
Көрнекі фото: kazislam.kz

Орталық коммуникациялар қызметінде тікелей эфирде өткен брифингте Қазақстан мұсылмандары діни басқармасының төрағасы Наурызбай қажы Тағанұлы пітір садақасын онлайн берудің оңтайлы жолын ұсынды деп хабарлайды KAZ.NUR.KZ.

"Біз Рамазанда бір ай бойы жалғасатын діни дәрістердің, қасиетті Қадір кешінің, ұлық мейрам – Ораза айттың онлайн бағдарламасын дайындап қойдық. Интернет желісі арқылы сұраққа жауап алып, онлайн насихат тыңдап, үйден шықпай сауапты амалдарға ортақтасуға болады. Біз қазіргі жағдайды ескеріп, өткен жылы жүзеге асырған жобамыз бойынша пітір садақасы мен зекетті онлайн режимде берудің оңтайлы жолын тағы ұсынып отырмыз", - деді Наурызбай қажы Тағанұлы.

Осы орайда Бас мүфти Қазақстан мұсылмандары діни басқармасының Рамазан айында айтылатын уағыз-насихат, сұрақ-жауап жұмыстарын онлайн режимде жүргізуді жалғастыратынын, Құран хатым жасау рәсімдері де қашықтан оқылатынын хабарлады.

Еске сала кетсек, қасиетті Рамазан айы биыл 13 сәуірде басталып, 12 мамырда аяқталады. 8 мамырдан 9 мамырға қараған түн – қасиетті Қадір түні. Осы жылғы пітір садақа мөлшері жан басына 420 теңге болып белгіленді.

Мақаланың түпнұсқасы: https://kaz.nur.kz/society/1907030-dini-basqarma-pitir-sadaqasyn-onlain-berudin-zolyn-korsetti/