Талғар ауруханасына жиналған халықтың дүрбелеңі желіде тарап кетті (видео)

Опубликовано:

Видеодағы кадр
Видеодағы кадр: instagram.com/kris_p_talgar

Талғар қаласының тұрғындары вакцинация процесінің дұрыс ұйымдастырылмағанына наразылық білдірді. Әлеуметтік желіде вакцинация орталықтарының бірінде болған дүрбелеңнің видеосы жарияланды. Жағдайға қатысты Талғар облыстық ауруханасын түсініктеме берді деп хабарлайды KAZ.NUR.KZ.

"Бүгін сұмдық жағдай орын алды. Екінші вакцинациядан өттік. Біріншіден, дәрігерлер таңертең бес минутқа кетіп, жиырма бес минутта кешігіп келді. Содан кейін біз кезекке тұрып, күттік. Бірақ дәрігерлер келгенде біз бірінші вакцинация кезінде алған картамызды әкелгенше, олар ешкімді қабылдаған жоқ. Дүрбелең басталды, бұл карталарды қайдан алады. Адамдар есеңгіреп қалды. Содан кейін үш әйел медбике келіп, дәліздің ортасында тұрып, 4.04, 5.04 және 6.04 күні екпе алған адамдардың аты-жөндерін айқап атай бастады. Дәліздегілердің барлығы жапа-тармағай сол жаққа беттеді. Бейберекет, адамдарға жағдай жасасын", – делінген Instagram парақшасында.

Талғар аудандық орталық ауруханасы видеоға қатысты түсініктеме берді. Дәрігерлер дүрбелең пациенттер санының көбеюіне байланысты пайда болды деп түсіндірді, олардың кейбіріне демалыс күндері вакцина егуге тура келді.

"Ауданда тұрғындарды жоспарлы вакцинациялау жалғасуда. Медицина қызметкерлеріне жүктемені біркелкі бөлу үшін барлығы кезекке жазылды. Мүмкін аптаның жеті күнінде өткізілетін бұл оқиғаны қабылдауда кейбір қателіктер болған шығар. Вакцинацияға өтініштер сенбі мен жексенбіде қабылданды. Бірақ адамдар медициналық қызметкерлер демалыста деп ойлап, дүйсенбі мен сейсенбіде келді.

Естеріңізге сала кетейін, вакцинация жасайтын дәрігерлер аптаның барлық күндері жұмыс істейді. Сейсенбі күні кезекте тұрған 200-ге жуық адам болды және келгендердің барлығы вакцина салдырды", – деді баспасөз қызметінің жетекшісі Гүлжан Қойшыбаева.

Медициналық мекеме өздеріне тәуелді емес себептер бойынша туындаған қолайсыздықтар үшін кешірім сұрады.

Сонымен қатар, Алматы облысының денсаулық сақтау басқармасы облыста қазірдің өзінде 137 488 адам коронавирусқа қарсы вакцинациядан өткенін, оның 14 904-і екінші компонентін салдырғанын хабарлады. 135 вакцинация пункті бар, оның 63-і жылжымалы, салқындату қондырғысы бар белсенді термоконтейнермен қамтамасыз етілген.

Мақаланың түпнұсқасы: https://kaz.nur.kz/society/1909940-talgar-auruxanasyna-zinalgan-xalyqtyn-durbeleni-zelide-tarap-ketti-video/