Top.Mail.Ru

Сайт нұсқасы

ru kz

Зектілері

Қытайлық вакцина Қазақстанда алдымен кімге салынады: Министрлік түсініктеме берді

Опубликовано:

Фото
Көрнекі фото: NUR.KZ

"Самұрық-Қазына" ұлттық әл-ауқат қорына кіретін компаниялардың қызметкерлері коронавирусқа қарсы Hayat Vax (Vero Cell) вакцинасын салдыра алады. Қытайлық екпе Біріккен Араб Әмірліктерінде шығарылған деп хабарлайды Sputnik Қазақстан.

Денсаулық сақтау министрлігі ұсынған ақпаратқа сәйкес, "Самұрық-Қазына" қоры қытайлық вакцинаның бір миллион дозасын сатып алған.

Оны қытайлық "Sinopharm" компаниясы "Vero Cell" атауымен жасаған. Ал Біріккен Араб Әмірліктерінің соның негізінде "Hayat Vax" вакцинасын шығарғаны белгілі болды.

"Sinopharm" компаниясы жасаған вакцина бірыңғай дистрибьютордың ("СК Фармация") хабтарына жеткізілгеннен кейін алдымен холдинг контингентінің қажеттілігіне қарай қолданылады. Содан соң қалған вакцина халық арасында екпе алуға ниет білдірген адамдарға таратылады", – дейді министрлік мамандары.

Бүгінде қытайлық вакцинаны жеткізу кестесі бекітілді. Оған сәйкес, 30 сәуірге дейін 400 мың доза, ал мамыр айында 600 мың доза жеткізіледі.

Айта кетейік, Vero Cell-дің араб еліндегі баламасы – Hayat Vax "өмір" деген мағынаны білдіреді. Бұл – инактивті вакцина. Сақтау температурасы +2-ден +8 градусқа дейін. Вакцинаны араға 14 күн салып, екі рет егеді.

Қазақстанда коронавирусқа қарсы екі вакцина салынып жатыр. Олар – Қазақстанда шығарылған ресейлік "Спутник V" және отандық "QazVac" вакцинасы.

Мақаланың түпнұсқасы: https://kaz.nur.kz/world/1910090-qytailyq-vakcina-qazaqstanda-aldymen-kimge-salynady-ministrlik-tusinikteme-berdi/

pixel