Сырт киімсіз тұр: Петропавлда далада флешмоб түсірген мектеп оқушылары ауырып қалды

28 сәуірде Петропавл қаласындағы №25 мектепте 1 мамырға арналған патриоттық флешмоб өтті. Жеңіл киінген оқушылар қалың киім киген мұғалімдердің жетекшілігімен бес минуттық видео түсірген. Келесі күні бірнеше оқушы ауырып, мектепке келмеді. Бұл жағдайға Солтүстік Қазақстан облысы әкімдігінің білім басқармасында түсініктеме берілді деп хабарлайды Петропавловск.news.

Әлеуметтік желіде балалардың көшеде сырт киімсіз тұрғаны көрсетілген видео жарияланды. Кадрдан мұғалімдердің сыртқы киімдерін киіп алғанын байқау қиын емес.

Басылым 28 сәуірде Петропавлда күндіз ауа температурасы сынап бағанасынан 14 градус жоғары болғанын атап өтті. Бес минуттық мерекелік флешмобты түсіріп алғаннан кейін, ертеңінде флешмобтың кейбір жас қатысушылары ауырып қалғандықтан мектепке бара алмаған.

№25 мектептің директоры Сәуле Тұрсынованың айтуынша, балаларға түсірілім туралы ескерту жасалып, жылы киінуді сұраған.

Солтүстік Қазақстан облысы әкімдігінің білім басқармасы сыртқы киімсіз оқушылардың сыртқы киімсіз далада тұру фактісін растады.

"Алайда қатысушылардың таза ауада болуы өнер көрсету кезегімен қатаң реттелді. Балалар 5 минуттық видео түсіру үшін сыртқы киімдерін шешті. Сонымен бірге, ұйымның іс-әрекетінде балалардың денсаулығы қауіпсіздігінің жеткіліксіз қамтамасыз етілгені көрінеді. Осы негізде білім бөлімі іс-шараны ұйымдастырушыларға тәртіптік жазалар қолданды", – деп түсіндірді облыс әкімдігінің білім бөлімінде.