RU

Желіде аяусыз соққыға жығылған 87 жастағы әжейдің видеосы тарады

Әжей
Фото: centralasia.media

Әлеуметтік желіде беті мен аяқ-қолында көптеген жарақаты бар өзбекстандық әжейдің видеосы тарап кетті. Бұл жайтқа қатысты Ташкент қалалық ішкі істер департаменті пікір білдірді деп хабарлайды centralasia.media.

Полиция мәліметіне сүйенсек, соққыға жығылған әйжей туралы ақпарат медициналық мекемеден түскен.

Ауруханаға 26 сәуір күні 1934 жылы туған Тоза Г. есімді зардап шегушіні 1983 жылы туған немересі жеткізген екен.

Әжейдің сөзінше, ол 1964 жылы туған қызы мен 1989 жылы туған немересінен үнемі қорлық көріп келген.

Аталған факті бойынша Мирзо-Ұлықбек ауданының ІІБ тергеу бөлімі Өзбекстан Республикасы Қылмыстық кодексінің 110-бабының 2-бөлігі "в" тармағы бойынша қылмыстық іс қозғаған.

Сот-медициналық сараптамасы тағайындалды. Тергеу жұмыстарының аясында зардап шегуші атаған тұлғалардың қылмысқа қатысы бар-жоғы, оқиғаның мән-жайы анықталмақ.

Айта кетейік, жақында Қазнетте көпқабатты үйдің кіреберісінде әйелді ұрған ер адамның видеосы пайда болған еді.

Кадрдан тұрғынның подъезд дәлізімен жайбарақат келе жатқанын, кейін онымен ілісе кірген ер адамның әйелді еденге құлатып, бетінен жұдырықпен ұрып, қашып кеткенін байқауға болады.

Біраз уақыттан соң Қазақпарат Ақтөбе полициясына сілтеме жасап күдіктінің ұсталғанын хабарлады. Ол Хромтау ауданының тұрғыны болып шыққан. Аталмыш дерек бойынша Қылмыстық кодекстің "Бұзақылық" бабымен іс қозғалды.

Мақаланың түпнұсқасы: https://kaz.nur.kz/society/1911190-zelide-ayausyz-soqqyga-zygylgan-87-zastagy-azeidin-videosy-tarady/