RU

Үсік жүреді: Синоптиктер мереке күндері ауа райы қандай болатынын айтты

ауа райы1
Көрнекі фото: NUR.KZ/Петр Карандашов

Демалыс күндері Қазақстан аумағында ауа райы бұзылады деп болжады Қазгидромет мамандары.

Синоптиктердің мәліметінше, Балтық жағалауы аймақтарынан келетін кезекті циклон Қазақстан аумағы арқылы бірте-бірте жылжып, жылы және құрғақ ауа райын алмастырады.  

"Соның ықпалымен алдымен солтүстік-батыс, одан кейін елдің қалған өңірлерінде нөсер жаңбыр жауады", - делінген хабарламада.

Ал 9 мамырда еліміздің солтүстігінде, орталығында, оңтүстігінде және оңтүстік-шығысында найзағай ойнап, желдің екпіні 15-20 м/с-қа, оңтүстік және шығыс бөлігінде 23-28 м/с-қа дейін күшейеді, бұршақ жаууы мүмкін.

Қазақстанның оңтүстігіне әлі де жылы ауа массалары әсер ететіндіктен, бұл өңір айтарлықтай салқындамайды. Мәселен, күндіз ауа температурасы 22...30°С дейін жылынады, алайда солтүстік облыстарда 7 мамырда температура фоны 12...20°С дейін төмендеп, түнде үсік жүруі мүмкін.

Айта кетейік, 9 мамыр күні елордада қоғамдық көліктер жолға шықпайды. Бұл туралы City Transportation Systems Instagram-дағы ресми парақшасында хабарлады. Қалған мереке күндері, яғни 7, 8 және 10 мамырда қоғамдық көліктер қалыпты режимде жұмыс істейді.

Мақаланың түпнұсқасы: https://kaz.nur.kz/society/1911504-usik-zuredi-sinoptikter-mereke-kunderi-aua-raiy-qandai-bolatynyn-aitty/