RU

Аягөздегі балалар орталығында жанжал шықты: Қылмыстық іс тергеліп жатыр

Жұдырық
Көрнекі фото: pixabay.com

Аягөзде балаларға арналған арнайы әлеуметтік қызметтер көрсету орталығының бірнеше қызметкеріне қатысты қылмыстық іс қозғалды. Аудандық прокуратура мен жергілікті әкімдікте ерекше қажеттіліктері бар балаларға зорлық-зорбылық көрсетудің жаңа фактісі тіркелді деп хабарлайды KAZ.NUR.KZ.

Аягөз облысының әкімі Сейілбек Ысқақов пен аудан прокуроры Руслан Мұратбековтің айтуынша, қызмет көрсету орталығында кәмелетке толмаған баланы ұрып-соғу ісі тергеліп жатыр, алайда сотқа дейінгі тергеп-тексеру бойынша егжей-тегжейлі ақпарат тарату елдің заңнамасымен шектелген.

Полиция қызметкерлері мекеме тәрбиеленушісінің бетінде және мойын аймағында жарақат бар екенін анықтады.

Аталған факт бойынша қылмыстық кодекстің 140-бабы 2-бөлігі бойынша (кәмелетке толмаған баланы тәрбиелеу жөніндегі міндеттерді орындамау) қылмыстық іс қозғалды. Жақында сот-медициналық сараптама тағайындалады.

Орталық директоры Шолпан Мақашева бұл оқиғаға байланысты құқық қорғау органдарына арыз жазғанын айтты.

"Оқиғаның видеожазбасы орталық ғимаратына орнатылған камералар арқылы түсірілген. Дәрігер-психиатрдың қырағылығы мен бейнебақылау камераларының арқасында болған оқиғаға жедел мониторинг жүргізілді. Қатыгездік көрсету бойынша бірден құқық қорғау органдарына, прокуратураға, аудандық әкімдікке хабарланды. Жұмыспен қамтуды үйлестіру және әлеуметтік бағдарламалар басқармасына баяндалды. Видеокамералардағы жазбалар құқық қорғау органдарына берілді", – дейді ол.

Қазіргі уақытта сот ісіне байланысты Шығыс Қазақстан облысы әкімінің орынбасары Әлішер Мархабат Аягөзге келді.

Мақаланың түпнұсқасы: https://kaz.nur.kz/society/1911844-ayagozdegi-arnaiy-ortalyqta-zana-zanzal-syqty/