Top.Mail.Ru

Сайт нұсқасы

ru kz

Зектілері

"Туысының көлігін ұрлап мінген": Шымкентте жасөспірім жол апатын жасады

Опубликовано:

Павлодар облысында жол апатынан төрт адам көз жұмды
Көрнекі фото: piqsels.com

Кәмелет жасқа толмаған жасөспірім Шымкентте көлікті ұрлап мініп, бойжеткенді қағып кетті деп хабарлайды жергілікті Отырар телеарнасы.

Жантүршігерлік жол апаты бақылау камерасына түсіп қалған. 

"Бойжеткен жолдың арғы бетіне өтіп жатқанда жоғары жылдамдықпен келген жеңіл көлік оны қағып кетті", – делінген хабарламада.

Кейбір деректер бойынша, зардап шеккен қыз автобуста бейресми кондуктор болып жұмыс істеген және сол күні құрбысының жұмысына уақытша шыққан көрінеді.

Ал жаяу жүргіншіні қаққан көлік тізгінінде кәмелетке толмаған жас жігіт болып шықты. Ол туысының көлігін ұрлап мініп, қала көшесінде жүйткіген.

Қатты соққы салдарынан 21 жастағы қыз ауыр жағдайда аурухананың жансақтау бөліміне жеткізілді.

Дәрігерлер мидың 1-2 дәрежелі контузиясын, сондай-ақ кеуде қуысының жарақаттарын және жамбас сүйектерінің сынғанын анықтады.

"2000 жылы туған науқас үшінші дәрежелі травматикалық шокпен ауруханаға жеткізілді. Ауыр жағдайдағы оған шокқа қарсы және симптоматикалық терапия жүргізілді. Қазіргі кезде жағдайы ептеп түзеле бастады", – деп хабарлады қалалық денсаулық сақтау басқармасының баспасөз қызметі.

Мақаланың түпнұсқасы: https://kaz.nur.kz/society/1912553-tuysynyn-koligin-urlap-mingen-symkentte-zasospirim-zol-apatyn-zasady/

pixel