RU

42 градусқа дейінгі ыстық, шаңды дауыл: Тоғыз өңірде ескерту жарияланды

күн ыстық
Көрнекі фото: luxtopfit.com

«Қазгидромет» РМК 23 мамыр күні ауа райының бұзылуына байланысты бірнеше өңірде ескерту жариялады.

Синоптиктер болжамынша, күндіз Маңғыстау облысында шаңды дауыл тұрады. Оңтүстік-шығыстан, оңтүстіктен соғатын желдің күші кей жерлерде 15-18 м/с артады. Күндіз жекелеген аумақтарда 38-42 градус қатты ыстық күтіледі.

Батыс Қазақстан облысында 39 градусқа дейін қатты ыстық болады деп болжануда. Жел оңтүстік-шығыстан, оңтүстіктен соғып, күндіз екпіні 15-20 м/с құрайды.

Қызылорда облысының кей жерлерінде шаңды дауыл тұрады. Солтүстік-шығыстан соғатын желдің жылдамдығы 25 м/с артуы ықтимал.

Атырау облысында кей жерлерде шаңды дауыл күтіледі. Оңтүстік-шығыстан жел соғып, күші жекелеген аумақтарда 15-20 м/с болады. Күндіз 39 градус қатты ыстық сақталады.

Күндіз Түркістан облысының тауларында найзағай күтіледі. Кей жерлерде шаңды дауыл тұрады. Солтүстік-шығыстан соғатын желдің күші 15-20 м/с, екпіні 23 м/с болады.

Шымкент қаласында солтүстік-шығыстан 15-20 м/с күшпен жел соғады.

Күндіз Қостанай облысында 36 градусқа дейін қатты ыстық күтіледі.

Күндіз Солтүстік Қазақстан облысында оңтүстік-батыстан жел соғып, кей жерлерде күші 25 м/с кжетеді. 35-36 градус ыстық болжанады.

Күндіз 23-25 мамырда Жамбыл облысында тауда найзағай, бұршақ күтіледі. 23-25 мамырда кей жерлерде солтүстік-шығыстан жел соғып, екпіні 25 м/с жетеді.

Мақаланың түпнұсқасы: https://kaz.nur.kz/society/1913913-42-gradusqa-deiingi-ystyq-sandy-dauyl-togyz-onirde-eskertu-zariyalandy/