RU

Коронавируспен ауырып қалған түлектер емтихан тапсыра ма

Коронавирус
Фото: pixabay.com

ШҚО Білім басқармасының басшысы Сайрангүл Жұмаділова коронавируспен ауырып қалған түлектердің емтихан тапсыратын-тапсырмайтынына қатысты сұраққа жауап берді деп хабарлайды BAQ.KZ.

Жұмаділованың айтуынша, соңғы қоңырау мен дәстүрлі форматтағы аттестаттарды тапсыру салтанатына тек 9 және 11-сынып түлектері ғана қатыса алады.

Өңірде оқу жылын 193 мыңға жуық оқушы аяқтады, оның ішінде 16,3 мыңы - 9-сынып оқушылары, 8,7 мыңнан астамы - 11-сынып оқушылары.

Уk-news.kz сайтының мәліметіне сәйкес, 28 мамырдан бастап 9-сынып оқушылары бітіру емтихандарын тапсыра бастайды. Биыл төрт емтиханның орнына үшеу болады. 1 маусымнан бастап 11-сынып оқушылары бес емес, төрт мемлекеттік емтихан тапсыратын болады.

Жұмаділованың сөзіне сенсек, "Алтын белгі" белгісіне 752 түлек үміткер болып отыр, 476 түлек ерекше үлгідегі орта білім туралы аттестат алады. 9-сынып түлектерінің ішінен 1,8 мыңнан астам оқушы үздік аттестатқа үміткер.

"Егер түлек емтиханнан қанағаттанарлықсыз баға алса, қайта қорытынды аттестаттау 11-19 маусым аралығында өткізіледі. Бітіру емтихандары кезінде коронавируспен ауырған оқушылар қорытынды аттестаттаудан босатылады. Бұл жағдайда бағалар жылдық бағалар негізінде аттестатқа қойылады. Егер түлек КВИ-ға шалдыққан науқастарымен байланыста болған болса, онда ол қашықтан емтихан тапсырады", - деп түсіндірді Сайрангүл Жұмаділова.

Мақаланың түпнұсқасы: https://kaz.nur.kz/society/1914301-koronaviruspen-auyryp-qalgan-tulekter-emtixan-tapsyra-ma/