RU

Жаңаөзенде газ өңдеу зауытының цехы өртенді (фото, видео)

Өрт
Фото: lada.kz / ТЖД баспасөз қызметі

Кеше кешкі уақытта Жаңаөзендегі "Қазақ газ өңдеу зауыты" ЖШС өндірістік аймағының аумағында өрт болды - компрессорлық цех өртенді. Төтенше жағдай болған жерден түсірілген фотосуреттер мен видеолар әлеуметтік желілерде пайда болды.

Lada.kz-ке Маңғыстау облысы Төтенше жағдайлар департаментінен хабарлағандай, өрттің болжамды ауданы 980 шаршы метрді құрайды. Өрт 23.17-де толығымен сөндірілді. Оқиға орнында қалалық төтенше жағдайлар бөлімінің 11 техникасы жұмыс істеді. Өрттен зардап шеккендер мен қаза тапқандар жоқ.

Департаменттің мәліметінше, оқиғадан бір сағат өткен соң кәсіпорын қалыпты жұмысына қайта оралған.

Оқиға орнына Жаңаөзен қаласының әкімі Ибагаров, қала әкімінің орынбасары Байжанов және қала әкімі аппаратының төтенше жағдайлар жөніндегі бас инспекторы Қойланов барды. Департамент өрттің болу себептерін анықтайтын штаб құрылғанын да қосты.

Төтенше жағдайға қатысты "ҚазМұнайГаз" ұлттық компаниясы да түсініктеме берді.

"16 маусым сағат 23:15-те" Қазақ газ өңдеу зауыты" ЖШС-нің компрессорлық цехының ауа салқындатқышы өртенді. Өрттің таралуы мен қайталануын болдырмау мақсатында газ тоқтатылып, қондырғының жұмысы тоқтатылды. Персоналдың және Жаңаөзен қаласы мен жақын маңдағы елдімекендер тұрғындарының өмірі мен денсаулығына қауіп-қатер жоқ. Қазіргі уақытта өрттің салдарын жою жұмыстары жүргізілуде. Өрттің себептері тексерілуде. Компанияның басқарма төрағасы Алик Айдарбаевтың басшылығымен "ҚазМұнайГаз" ҰК АҚ-да жедел штаб құрылды", - делінген компания хабарламасында.

Мақаланың түпнұсқасы: https://kaz.nur.kz/society/1918057-zanaozende-gaz-ondeu-zauytynyn-cexy-ortendi-foto-video/