Министр Жамаубаев: Мемлекеттік қарыз белгіленген лимиттен асып кетпейді

Қаржы министрі Ерұлан Жамаубаев Қазақстанның мемлекеттік қарызы қауіпсіз деңгейде екенін және белгіленген шектен асып кетпейтінін мәлімдеді деп хабарлайды Sputnik Қазақстан.

Ол валюталық тәуекелдерді болдырмау және қарыз құралдарының жергілікті нарығын дамыту үшін барынша ішкі нарықтың өтімділігі пайдаланылатынын атап өтті.

"Мемлекеттік борыш қауіпсіз деңгейде сақталады және ол белгіленген лимиттен асып кетпейді" , - деп уәде берді министр.

Есеп комитетінің төрағасы Наталья Годунованың мәліметінше, Қазақстанның мемлекеттік қарызы 20,6 триллион теңгеге жетті. Ал оның жалпы ішкі өнімге арақатынасы 29,4%-ті құрайды.